"საუთჰემპტონის" მცველი სედრიკ სოარეში ფიქრობს, რომ ევროპის ჩემპიონატის ფინალში მონაწილეობა მას დიდ სამსახურს გაუწევს ლიგის თასის ფინალში "მანჩესტერ იუნაიტედთან" დაპირისპირებისას.

"წმინდანები" და "ეშმაკები" ერთმანეთს კვირას "უემბლიზე" დაუპირისპირდებიან, რათა ინგლისური ფეხბურთის დიდი ტიტულის მფლობელის ვინაობა გაარკვიონ.

სედრიკმა თავისი როლი შეასრულა პორტუგალიის გამარჯვებაში საფრანგეთის წინააღმდეგ გამართულ შეხვედრაში და ახლა იმედი აქვს, რომ ასეთივე ემოციას გამოცდის "იუნაიტედთან" მატჩის შემდეგაც.

"2016 წლის ევროპის ჩემპიონატის ფინალში თამაში ძალიან მნიშვნელოვანი იყო ჩემთვის და ჩემი კარიერისთვის. ეს არის მატჩი, რომელიც ყოველთვის მემახსოვრება. ასეთი მატჩები უფრო გაძლიერებს, როგორც ფეხბურთელს და დაძაბული მატჩებისთვის გამზადებს.

საოცარია, ერთ წელში ორი ფინალის თამაში დიდებულია.

"მანჩესტერ იუნაიტედს" გაცილებით დიდი პასუხისმგებლობა აქვს, ვიდრე ჩვენ. ისინი ხომ ფეხბურთში დიდ სახელს წარმოადგენენ. ყველამ იცის მათ შესახებ. მათ დიდებული ფეხბურთელები, დიდებული შემადგენლობა და დიდებული მწვრთნელი ჰყავთ.

მაგრამ მატჩისთვის უნდა მოვემზადოთ და გვჯეროდეს იმის, რასაც ვაკეთებთ. ჩვენს ფეხბურთელებს თამაშში ცვლილების შეტანა შეუძლიათ. "საუთჰემპტონთან" ერთად ტიტულის მოგება საოცარი შეგრძნება იქნება, რადგან ეს კლუბი ჩემი უნარებისადმი რწმენას ავლენს. ეს არის კლუბი, რომლისთვისაც ვიბრძვი", - განაცხადა პორტუგალიელმა მცველმა.

წყარო: goal.com