"სენტ-ეტიენი" - "მანჩესტერ იუნაიტედი"(პრევიუ)

სტადიონი: "ჟოფრუა გიშარი", სენტ-ეტიენი
მონაცემი: ევროპა ლიგა. 1/16 ფინალი. მე-2 მატჩი
თარიღი: ოთხშაბათი, 22 თებერვალი, 2017 წელი
მთავარი მსაჯი: დენიზ აითექინი (გერმანია)
მატჩის დასაწყისი: 21:00, (ჩვენი დროით)

"სენტ-ეტიენი"

"მანჩესტერ იუნაიტედმა" "სენტ-ეტიენის" 10-მატჩიანი წაუგებელი სერია დაასრულა.

"პარი სენ-ჟერმენის" ყოფილმა ფორვარდმა, ზლატან იბრაჰიმოვიჩმა "ოლდ ტრაფორდზე" ჩატარებულ მატჩში ჰეთ-ტრიკი გაიფორმა და "სენტ-ეტიენის" წინააღმდეგ ყველა ტურნირზე ჩატარებულ თავის 14 მატჩში 17 გოლი დააგროვა.



გუნდები ერთმანეთს 1977/78 წლების თასების მფლობელთა თასის პირველ რაუნდში შეხვდნენ. დეივ სექსტონის "იუნაიტედმა" საფრანგეთში ჩატარებულ მატჩში 1-1 ითამაშა, საპასუხო შეხვედრის ჩატარება კი "წითლე ეშმაკებს" მანჩესტერიდან 200 კილომეტრის დაშორებით მოუხდა, რისი მიზეზიც გულშემატკივართა უწესრიგობა გახდა.

"მანჩესტერ იუნაიტედმა" საპასუხო შეხვედრა პლიმუთში "ჰომ პარკზე" 2-0 მოიგო სტიუარტ პირსონისა და სტივ კოპელის გოლებით.

ინგლისური კლუბების წინააღმდეგ ჩატარებულ წინა 7 შეხვედრაში "მწვანეებმა" მხოლოდ ერთი მოიგეს (1 მოგება, 1 ფრე, 5 წაგება). საფრანგეთში ჩატარებულ მატჩებში "სენტ-ეტიენს" შემდეგი მაჩვენებელი აქვთ: 1 მოგება, 1 ფრე, 1 წაგება.

"მანჩესტერ იუნაიტედმა" ფრანგული კლუბების წინააღმდეგ 25 მატჩი ჩაატარა (13 მოგება, 10 ფრე, 2 წაგება). საფრანგეთში ჩატარებულ მატჩებში შემდეგი მაჩვენებელი აქვს: (3 მოგება, 7 ფრე, 2 წაგება.)





"მანჩესტერ იუნაიტედმა" ევროტურნირებზე 341 შეხვედრა ჩაატარა, "სენტ-ეტიენის" ანგარიშზე 118 მატჩია.

"სენტ-ეტიენი" მიმდინარე სეზონში 10 ევროპულ მატჩში არ მარცხდება (5 მოგება, 5 ფრე). "მწვანეებთან" ერთად ევროპა ლიგაზე მოასპარეზე გუნდებს შორის წაუგებლად მხოლოდ "აიაქსი", "შახტიორი" და "რომა" გამოდიან.

"მანჩესტერ იუნაიტედმა" ყველა ტურნირზე ჩატარებულ ბოლო 23 მატჩში ერთადერთი მარცხი განიცადა (2-1 წაგება ლიგის თასზე "ჰალ სიტის" წინააღმდეგ).

8 დეკემბერს "ზარიასთან" 0-2 მოგებული მატჩით "წითელმა ეშმაკებმა" ევროპაში გასვლითი შეხვედრების 7-მატჩიანი მოუგებელი სერია დაასრულეს (1 ფრე, 6 წაგება).

"მანჩესტერ იუნაიტედი" ევროპა ლიგის 1/16 ფინალში 2015/16 წლების სეზონშიც გავიდა, მაგრამ ეს ტურნირი არასდროს მოუგია. ევროპის საკლუბო ჩემპიონი სამჯერ გახდა 1968, 1999 და 2008 წლებში, თასების მფლობელთა თასი კი 1991 წელს მოიგო.

1976 წლის ევროპის ჩემპიონთა თასის ფინალისიტ "სენტ-ეტიენი" გასულ სეზონში ევროპა ლიგის გათამაშებას სწორედ 1/16 ფინალში "ბაზელთან" დამარცხების შემდეგ გამოეთიშა. ამ ტურნირზე გუნდის საუკეთესო მიღწევა მეოთხედფინალში გასვლაა, რაც 1980 და 1981 წლებში მოახერხეს.





სენტ-ეტიენსა და მანჩესტერს შორის მანძილი 1000 კილომეტრია.

"მანჩესტერ იუნაიტედის" ნახევარმცველი პოლ პოგბა და "სენტ-ეტიენის" მცველი ფლორენტინ პოგბა შესაძლოა, ერთმანეთს დაუპირისპირდნენ. ძმებს ჯერ არასდროს ჩაუტარებიათ მატჩი ერთმანეთის წინააღმდეგ.

ზლატან იბრაჰიმოვიჩს "მწვანეების" წინააღმდეგ ყველა ტურნირზე 13 მატჩი აქვს ჩატარებული და 14 გოლი გატანილი.

ენტონი მარსიალი "მონაკოში" გადასვლამდე "სენტ-ეტიენის" მთავარი კონკურენტის, "ლიონის" ფეხბურთელი იყო. "მწვანეების" წინააღმდეგ ორ მატჩში აქვს მონაწილეობა მიღებული (1 მოგება, 1 ფრე) და მათგან ერთში, რომელიც 2015 წლის აპრილში 1-1 დასრულდა, გოლიც გაიტანა.

"იუნაიტედის" ფეხბურთელები, კრის სმოლინგი და უეინ რუნი "სენტ-ეტიენის" საშინაო მოედანზე, "ჟოფრუა რიშარზე" 2016 წლის ევროპის ჩემპიონატის მატჩში ინგლისის რიგებში სლოვაკეთის ნაკრების წინააღმდეგ თამაშობდნენ, მათი თანაგუნდელი მარკუს რეშფორდი კი სათადარიგოთა სკამზე იმყოფებოდა.

"მანჩესტერ იუნაიტედის" ამჟამინდელი კაპიტანი უეინ რუნი საკუთარი კლუბის საუკეთესო ბომბარდირია ევროტურნირებზე - 39 გოლი.

გუნდების მწვრთნელები

ჟოზე მოურინიომ "იუნაიტედი" გასულ ზაფხულს ჩაიბარა. პორტუგალიელმა "პორტუ" უეფა-ს თასისა და ჩემპიონთა ლიგის გამარჯვებული გახადა, მოგვიანებით კი ეს უკანასკნელი ტურნირი "ინტერთან" ერთად მოიგო. მოურინიო ორჯერ გახდა "ჩელსის" მთავარი მწვრთნელი და ამ პერიოდში სამჯერ მოიგო პრემიერ ლიგა.

ამ ტურნირზე მოურინიო უკანასკნელად 2002/03 წლებში მონაწილეობდა. მაშინ მისმა "პორტუმ" უეფა-ს თასის ფინალში "სელტიკს" 3:2 სძლია.

"სენტ-ეტიენის" მწვრთნელი კრისტოფ გალტე კლუბში 2009 წლიდან მუშაობს. მისი ხელმძღვანელობით "მწვანეებმა" საფრანგეთის ლიგის თასი 2012/13 წლებში მოიგეს. სანამ მთავარი მწვრთნელი გახდებოდა, ალენ პერენის დამხმარედ მუშაობდა. თავისი საფეხბურთო კარიერია კი მცველის რანგში დაიწყო "მარსელში".

გუნდების ბოლო შედეგები თავიანთი ქვეყნების ჩემპიონატში:

11.02.2017. "მანჩესტერ იუნაიტედი" - "უოტფორდი" 2-0 (მატა 32, მარსიალი 60)

"მანჩესტერ იუნაიტედი": დე ხეა, ვალენსია, სმოლინგი, ბაიი, ბლინდი, მატა (ფელაინი 72), პოგბა, ერერა, მხითარიანი (ლინგარდი 89), მარსიალი (რეშფორდი 81), იბრაჰიმოვიჩი.

მდგომარეობა ჩემპიონატში: მე-6 ადგილი, 48 ქულა.

19.02.2017. "მონპელიე" -"სენტ-ეტიენი" 2-1 (ლასნი 49, მუნიე 68 - მონე-პაკე 12')

"სენტ-ეტიენი": რიუფე, მალკიუ, თეოფილ-კატრინი, ლაკრუა, პოგბა, ვერეტუ, სელნესი, ჟორჟე-ინტიმა, სევე, (პაჟო 80), მონე-პაკე (ბერიჩი 74), რუ (ამუმა 74).

მდგომარეობა ჩემპიონატში: მე-5 ადგილი, 39 ქულა

გუნდების ბოლო პენალტების სერია ევროთასების მატჩებში

"სენტ-ეტიენს" მხოლოდ ერთხელ აქვს UEFA-ს ტურნირების პენალტების სერიაში გამარჯვებული:

4-3 სახლში "კარდემირ კარაბიუქსპორტის" წინააღმდეგ - 2014/15 წლების ევროპა ლიგის პლეი-ოფი.




"მანჩესტერ იუნაიტედის" ბოლო 3 პენალტების სერია ევროპაში: 1 მოგება, 2 წაგება

წაგება:

5-4 სტუმრად "ვიდეოთონთან" (უნგრეთი) – UEFA-ს თასის მეოთხედფინალი 1984-85
4-3 სტუმრად "ტორპედოსთან" (რუსეთი) – UEFA-ს თასის პირველი რაუნდი 1992-93.

მოგება:

6-5 ნეიტრალურ მოედანზე "ჩელსის" წინააღმდეგ - ჩემპიონთა ლიგის ფინალი 2007-08.