უეინ რუნი "სენტ-ეტიენთან" მატჩისთვის მოსამზადებელ ვარჯიშზე "მანჩესტერ იუნაიტედის" შემადგენლობაში დაბრუნდა.
31 წლის ფეხბურთელმა ბოლო ორი მატჩი გამოტოვა, რისი მიზეზიც, ჟოზე მოურინიოს თქმით, "პატარა კუნთოვანი ტრავმა იყო".
რუნის 1 თებერვლის შემდეგ არ ჩაუტარებია მატჩი, თუმცა "უოტფორდთან" 2-0 მოგებულ შეხვედრაში სათადარიგოთა სკამზე მოხვდა.
ინგლისის თასზე "ბლექბერნთან" გამარჯვების შემდეგ მოურინიომ ეჭვი გამოთქვა, რუნი ვერც "სენტ-ეტიენთან" ითამაშებს ევროპა ლიგის განმეორებით მატჩსო და ვერც ლიგის თასის ფინალსო, მაგრამ რუნი სამშაბათს დილით ჩატარებულ ვარჯიშზე თანაგუნდელებთან ერთად იმყოფებოდა.