"მანჩესტერ იუნაიტედის" მთავარი მწვრთნელი ჟოზე მოურინიო არასდროს ეჭვობდა, რომ ზლატან იბრაჰიმოვიჩი მის გუნდს ვერ მოერგებოდა.

შვედმა თავისი გოლების გატანა კვირას ინგლისის თასის მეხუთე რაუნდში "ბლექბერნის" წინააღმდეგ განაგრძო.

ყველა ტურნირზე ჩატარებულ ბოლო 4 მატჩში იბრაჰიმოვიჩმა ხუთი გოლი გაიტანა, მათი საერთო რაოდენობა კი 24-ს გაუტოლა.

35 წლის ფეხბურთელი "ოლდ ტრაფორდზე" მთელი რიგი ეჭვების გამოწვევით მივიდა, მაგრამ მოურინიო არ იყო იმ ადამიანთა შორის, ვინც ფიქრობდა, რომ ასაკოვანი ფეხბურთელი პრემიერ ლიგაში თავის შესაძლებლობებს ვერ დაამტკიცებდა.

"არ ვიცოდი, რამდენ გოლს გაიტანდა. ეს არ ვიცოდი. მხოლოდ ის ვიცოდი, რომ ჩვენთვის ძალიან მნიშვნელოვანი ფეხბურთელი იქნებოდა. ეს ნამდვილად ვიცოდი. ერთით მეტი გოლი ექნებოდა თუ ნაკლები, სულერთია, უდიდეს გავლენას კი ნამდვილად მოხდენდა ჩვენზე", - განაცხადა პორტუგალიელმა სპეციალისტმა.

წყარო: goal.com