"მანჩესტერ იუნაიტედის" მთავარი მწვრთნელი, ჟოზე მოურინიო მიიჩნევს, რომ სატრანსფერო ბაზარზე ინფლაცია მალე ხალხს დაარწმუნებს პოლ პოგბას ღირებულების სიიაფეში.

გასულ სეზონში "იუვენტუსიდან" პოგბას დასაბრუნებლად "წითელმა ეშმაკებმა" ახალი სატრანსფერო რეკორდი დაამყარეს 89 მილიონი ფუნტის გადახდით. ჟოზე ძალიან კმაყოფილია ამ შენაძენით და სულაც არ მიიჩნევს ძვირად.

"პრაქტიკულად დარწმუნებული ვარ, რომ მომდევნო ზაფხულს მისი ოსტატობის ნახევრის მფლობელი ფეხბურთელები ამავე თანხად შეფასდებიან.

ველი მომენტს, როცა მისი ფასით გამოწვეული ამ ყურადღებისგან გათავისუფლდება. ამჟამად, როცა კარგად თამაშობს - ამას კი ხშირად აკეთებს - ხალხს ნორმალურ მოვლენად მიაჩნია. როცა არც ისე კარგია, ექსპერტები და გულშემატკივრებიც კი მკაცრად ექცევიან.

მართლაც კმაყოფილი ვარ მისი ასპარეზობით. დაუჯერებელ ბალანსს გვძენს და ჯერ კიდევ ახალგაზრდაა. თამაშს დაცვიდან აგებს, ბურთს ართმევს, მეტოქის კარში გოლების გატანა შეუძლია. დიდებული ფეხბურთელი გახდება და მიმაჩნია, რომ რამდენიმე წელიწადში მიხვდებით, რა იაფად გვერგო.

რამდენიმე წლის წინ 25 მილიონ ფუნტად ფენომენალური ფეხბურთელის შეძენა შეიძლებოდა. ახლა კი 25 მილიონ ფუნტად ფეხბურთელსაც კი ვერ იყიდი, მხოლოდ ფეხბურთელად ჩამოყალიბების პერსპექტივის მქონეს თუ შეიძენ. ისინი, ვინც უკვე დიდი ფეხბურთელები არიან, ძალიან ძვირად ფასობენ.

ვფიქრობ, მომდევნო ზაფხულს ამ ფრონტზე რამდენიმე სიურპრიზი იქნება და პოლი, ალბათ, მსოფლიოს ყველაზე ძვირადღირებული ფეხბურთელის სტატუსს დაკარგავს, რაც კარგი იქნება. თავისი ფასით ის დიდ ყურადღებას იქცევს, მაგრამ ფეხბურთის თამაში კვლავინდებურად აბედნიერებს და მისთვის ყველაზე მნიშვნელოვანი ამ შეგრძნების შენარჩუნებაა", - განაცხადა მოურინიომ.

წყარო: the guardian