"ივუდ პარკი" "მანჩესტერ იუნაიტედისთვის" წარსულში ბედნიერების მომტანი ადგილი იყო, რამეთუ სერ ალექს ფერგიუსონის ბიჭებმა იქ არაერთ მნიშვნელოვან გამარჯვებას მიაღწიეს.
ინგლისის თასის ეგიდით "ბლექბერნ როვერსის" სტადიონზე დაბრუნებისას გულშემატკივართა უმეტესობას 2011 წელი გაახსენდება, როცა უეინ რუნის მიერ 11-მეტრიანი გოლით მოპოვებული ერთი ქულით "წითლებმა" მე-19 ჩემპიონობა გაინაღდეს.
კიდევ ერთი მნიშვნელოვანი გოლი გავიდა 2008 წელს, როცა კარლოს ტევესის თავურმა ტიტულისთვის ბრძოლა "იუნაიტედის" ხელში დატოვა. ოთხი წლის შემდეგ ანტონიო ვალენსიამ გამოიჩინა თავი შესანიშნავი გოლით.
ამ და დანარჩენი სხვა გოლების ხილვა ვიდეოს საშუალებით შეგიძლიათ.