ზლატან იბრაჰიმოვიჩმა "მანჩესტერ იუნაიტედის" მაისურით შესრულებული ჰეთ-ტრიკის შემდეგ საკუთარი თავი კინოგმირს შეადარა.
"მე ინდიანა ჯონსს ვგავარ" - სწორედ ამ სიტყვებით უპასუხა იბრაჰიმოვიჩმა ჟურნალისტს, რომელაც ტიტულების - ამ შემთხვევაში ევროპული ტურნირის - მნიშვნელობის შესახებ ჰკითხა.
შვედ ფორვარდს თავის კარიერაში 31 საკლუბო ტიტული აქვს მოგებული, მაგრამ მათ შორის არცერთი არაა ევროპული ტიტული.
"ჩემთვის ყველა ტიტული საოცარია. ყველგან, სადაც ვიყავი, რაღაც მოვიგე, ასე რომ, აქაც თუ მოვიგებ რამეს, სუპერ ბედნიერი ვიქნები. ხალხმა, ვინც მიცნობს, იცის, რომ ბევრ კლუბში მითამაშია და ყველგან ჩემს მაქსიმუმს ვცდილობდი. სადაც კი წავედი, ყველგან რაღაც მოვიგე, ასე რომ, ინდიანა ჯონსს ვგავარ", - განაცხადა 35 წლის ფეხბურთელმა, რომელმაც "იუნაიტედის" მაისურით მიმდინარე სეზონში 23 გოლი გაიტანა.