"პარი სენ-ჟერმენის" მცველი ტომას მინიე აცხადებს, რომ "მანჩესტერ იუნაიტედის" გულშემატკივარია და პრემეირ ლიგაში თამაშის სურვილს გამოთქვამს.
ბელგიელი მარჯვენა მცველი ფრანგულ კლუბს "ბრიუგედან" გასულ ზაფხულს 6 მილიონ ფუნტად შეუერთდა და უკვე ითვლება გუნდის შეუცვლელ ფიგურად.
25 წლის ფეხბურთელის თქმით, "ოლდ ტრაფორდის" მკვიდრების დიდი გულშემატკივარია და მათ მსოფლიო ფეხბურთის დიდი სახელის წარმომადგენლად მოიაზრებს.
"ყოველთვის ვამბობდი, რომ ერთ დღეს პრემიერ ლიგაში სიამოვნებით ვითამაშებდი. პარიზში ბედნიერი ვარ და კარიერა აქ რომ დავასრულო, იმედგაცრუებული სულაც არ ვიქნები. მაგრამ ერთ დღეს პარიზის დატოვება რომ მომიხდეს, რატომაც არა?
მეორე მხრივ არის სასურველი სტადიონები და გულშემატკივრები, მე კი არასდროს დამიმალავს, რომ "მანჩესტერ იუნაიტედის" გულშემატკივარი ვარ. "იუნაიტედი" ჩემთვის ყოველთვის მსოფლიოს გამორჩეული გუნდი იქნება", - განაცხადა ბელგიელმა.