"იუნაიტედის" 35 წლის ფორვარდმა კლუბის მაისურით 33 მატჩი ჩაატარა და 20 გოლისა და 7 საგოლე პასის გაკეთება მოახერხა.
შვედეთის ნაკრების ყოფილმა ფეხბურთელმა "იუნაიტედს" ზაფხულში მიაშურა და ჟოზე მოურინიოს გუნდში პრემიერ ლიგის ეგიდით ჩატარებულ 25 მატჩში 15 გოლი გაიტანა. მე-15 გოლით "ლესტერ სიტის" კარი აიღო, ეს კი იბრაჰიმოვიჩმა 35 წლისა და 125 დღის ასაკში მოახერხა. ამით მან პრემიერ ლიგაში ახალი რეკორდი დაამყარა, რამეთუ ყველაზე ასაკოვანი ფეხბურთელი გახდა, რომელმაც ერთ სეზონში 15 გოლი გაიტანა.
შვედის სახელს ეკუთვნის ასევე პრემიერ ლიგაში გატანილი 25000-ე გოლიც, რომელიც "სუონსისთან" გატანილი ბურთი გამოდგა.
ყველა ტურნირის ჩათვლით კი ფორვარდს 20 გოლი აქვს გატანილი, რაც ზედიზედ 10 სეზონია ხდება. 2006/07 წლების სეზონი იყო უკანასკნელი შემთხვევა, როცა ზლატანმა ერთ სეზონში ყველა ტურნირზე 20 გოლის გატანა ვერ მოახერხა.
ვიდეოები
8 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.