ჟოზე მოურინიომ აღნიშნა, რომ "მანჩესტერ იუნაიტედი" პრემიერ ლიგის ცხრილში საუკეთესო ოთხეულს ჩამორჩება, რადგანაც მისი გუნდი ინგლისის ჩემპიონატში მცირე ხნით იუქმებს.

პრემიერ ლიგაში 16-მატჩიანმა წაუგებელმა სერიამ "ოლდ ტრაფორდის" მკვიდრები ჩემპიონთა ლიგის ზონას მიუახლოვა. თუმცა, "იუნაიტედის" მეტოქეებს ძველი უპირატესობის დაბრუნება შეუძლიათ.

"წითლები" კი თავიანთ ყურადღებას კონტინენტურ და შიდა თასებზე გადაიტანენ. ხუთშაბათს გუნდი "სენტ-ეტიენს" ევროპა ლიგაზე დაუპირისპირდება, შემდეგ ინგლისის თასის მეხუთე რაუნდში "ბლექბერნ როვერსს" ეწვევა სტუმრად, რასაც ევროპა ლიგის საპასუხო შეხვედრა და ლიგის თასის ფინალი მოჰყვება "საუთჰემპტონთან".

ჩემპიონატში 4 მარტამდე უქმობის შესახებ მოურინიო მიიჩნევს, რომ ამ მოვლენას პოზიტიური და ნეგატიური დამოკიდებულებით უნდა მიუდგეს.

"ჩამოგვიტოვებენ. სხვა გუნდებს ქულების აღება შეეძლებათ, ამიტომ, ასეც მოხდება, ალბათ. ასეთი ვითარებაა. არ ვფიქრობ, რომ ადვილია, იმიტომ, რომ ტურნირებზე თამაში გსურს, მაგრამ ამავდროულად მოტივაცია გვაქვს.

ევროპა ლიგაზე ვთამაშობთ, ამიტომ სიამოვნება უნდა მივიღოთ. ასევე თასის ფინალი გვაქვს. არა მგონია, ვინმე ჩავიდეს "უემბლიზე" და ბედნიერი არ იყოს, არც ჩვენ ჩავალთ ასე, ვითამაშებთ.

ვიცით, რომ "საუთჰემპტონს" გარკვეული დრო ექნება დასვენებისთვის. წარმოდგენა არ მაქვს, ზაფხულს სადმე ლამაზ, სასიამოვნო ადგილას გაატარებენ თუ არა და ფინალისთვის სასიამოვნო ამინდში მოემზადებიან თუ არა.

ერთადერთი, ის ვიცი, რომ მათი მომდევნო მატჩი ფინალია, ჩვენ კი ამ პერიოდში სამი მატჩის ჩატარება მოგვიწევს. ამ ცივ ამინდში უნდა ვივარჯიშოთ და თანაც ცუდ მოედანზე, რადგან ცივი ამინდი მოედანს საერთოდ არ ეხმარება.

ასე რომ, იოლ მდგომარეობაში არ ვართ. თუმცა ამისგან სიამოვნება უნდა მივიღოთ, რადგან ჩვენ ფეხბურთს ვთამაშობთ, მნიშვნელოვან მატჩებს ვატარებთ", - განაცხადა მოურინიომ.

წყარო: goal.com