"მანჩესტერ იუნაიტედის" მთავარმა მწვრთნელმა აღნიშნა, რომ ლუკ შოუსთან დაკავშირებით არავითარი პრობლემა არ აქვს.
21 წლის ფეხბურთელი მიმდინარე სეზონში რეგულარულ სათამაშო დროს ვერ იღებს და პრემიერ ლიგაში 2016 წლის ოქტომბრის შემდეგ არ გამოჩენილა.
ლუკმა ბოლო მატჩი გასულ თვეში "უიგანის" წინააღმდეგ ინგლისის თასზე ჩაატარა, სადაც სრულად ითამაშა, მაგრამ ამის შემდეგ განაცხადშიც კი არ მოხვედრილა.
მიუხედავად ამისა, მოურინიო ირწმუნება, რომ ინგლისელ ფეხბურთელთან დაკავშირებით არავითარი პრობლემური დამოკიდებულება არ აქვს და ახსნა, თუ რატომ დატოვა იგი განაცხადს მიღმა.
"უნდა იშრომოს და მოიცადოს. მაგრამ შაბათს სათადარიგოთა სკამზე ერთი მცველის დასმა მსურდა და ეს მცველი ისეთია, რომელიც ერთზე მეტ პოზიციაზე თამაშობს.
დარმიანს მარცხენა მცველად ან მარჯვენა მცველად შეუძლია თამაში, თუ აუცილებელი იქნება, ცენტრალურ მცველადაც, ამიტომაც დარმიანი ავირჩიე.
ერთადერთი, იმის თქმა შემიძლია, რომ ლუკი კარგად შრომობს. მასთან არავითარი პრობლემა არ მაქვს. ბევრს შრომობს და იბრძვის, ყველაფერი რიგზეა", - განაცხადა პორტუგალიელმა.