"მანჩესტერ იუნაიტედი" "მონაკოს" მარჯვენა მცველთან, ფაბინიოსთან მოლაპარაკებებს მართავდა, იტყობინება ფეხბურთელის მამა.
"იუნაიტედს" ბრაზილიელ ფეხბურთელს, რომელსაც მარჯვენა მცველის გარდა ნახევარდაცვაშიც შეუძლია თამაში, ზაფხულში უკავშირებდნენ.
ჟოზე მოურინიო მიმდინარე სეზონში ანტონიო ვალენსიას იყენებს მარჯვენა მცველად და გასულ თვეში მას კონტრაქტიც გაუხანგრძლივა.
ფაბინიოს კი მადრიდის "რეალში" ერთად გატარებული პერიოდიდან იცნობს.
23 წლის ფეხბურთელის მამა, ჟოაო აცხადებს, რომ "იუნაიტედთან" უკვე განიხილეს შესაძლო ტრანსფერი, ისევე, როგორც "ბარსელონასთან", "მანჩესტერ სიტისა" და "არსენალთან". "მოლაპარაკებებს ვაწარმოებდით "მანჩესტერ იუნაიტედთან", "მანჩესტერ სიტისთან", "არსენალსა" და "ბარსელონასთან".
"მანჩესტერ იუნაიტედი" და მოურინიოს მუშაობა მოგვწონს, მაგრამ "მანჩესტერ სიტისადმი" განსაკუთრებული დამოკიდებულება გვაქვს", - განაცხადა "მონაკოს" ფეხბურთელის მამამ.