პრემიერ ლიგის 25-ე ტურის შეხვედრას "ოლდ ტრაფორდმა" უმასპინძლა, სადაც ადგილობრივმა "მანჩესტერ იუნაიტედი" "უოტფორდს" დაუპირისპირდა. მასპნძლები შეხვედრას 15-მატჩიანი წაუგებელი სერიით შეხვდნენ.
შეხვედრა "წითელი ეშმაკების" უპირატესობით დაიწყო, რასაც რამდენიმე სახიფათო მომენტი მოჰყვა, თუმცა სტუმართა მეკარე, აურელიო გომესი ბრწყინვალედ გამოიყურებოდა. ბრაზილიელმა 2-ჯერ პოლ პოგბას, ხოლო ერთხელ ზლატან იბრაჰიმოვიჩს აჯობა. ანგარიში 31-ე წუთზე გაიხსნა, მარსიალის გადაცემით ხუან მატამ ისარგებლა და პრემიერ ლიგის მიმდინარე სეზონში მე-6 გოლი მიითვალა.
მე-60 წუთზე იბრაჰიმოვიჩის გადაცემით თავი მარსიალმა გამოიჩინა და მატჩის საბოლოო ანგარიში, 2-0 დააფიქსირა. ამ გამარჯვებით "იუნაიტედი" პირველი გუნდი გახდა პრემიერ ლიგაში, რომელმაც 2000 ქულის მოგროვება შეძლო.
შემადგენლობები
მანჩესტერ იუნაიტედი: დე ხეა, ბაიი, სმოლინგი, ვალენსია, ბლინდი, ერერა, პოგბა, მხითარიანი (ლინგარდი 89'), მატა (ფელაინი 72'), მარსიალი (რეშფორდი 81'), იბრაჰიმოვიჩი.