"მანჩესტერ იუნაიტედის" მთავარმა მწვრთნელმა ჟოზე მოურინიომ კლუბის ოფიციალურ ტელევიზიას "უოტფორდთან" მოპოვებული გამარჯვების შემდეგ ინტერვიუ მისცა და სხვადასხვა საკითხზე ესაუბრა.

პირველი ტაიმის ბლიტცით შოკის მოგვრა

"მშვენიერი იყო. პირველ გოლამდე პერიოდი საოცარი იყო. გულშემატკივარი ძალიან ბედნიერი და ენთუზიაზმით სავსე იყო, რისი მიზეზიც ხარისხი, შანსები, სიმშვენიერე, ფეხბურთი, მოძრაობა, სეივები იყო. აბსოლუტურად საოცარი იყო. საფეხბურთო დანაშაული იქნებოდა, ამ პერიოდში გოლი რომ ვერ გაგვეტანა. გავიტანეთ და ეს მნიშვნელოვანი იყო ჩვენი თავდაჯერებულობისთვის. შესვენებაზე გამარჯვებული გასვლით რწმენის შეგრძნება გვქონდა."

თამაშის მოკვლა

"თამაშის მოკვლა უფრო მეტი გოლის გატანითაც შეგვეძლო, მაგრამ ვერ მოვახერხეთ, ამიტომაც ვიფიქრე, რომ თუ მესამე გოლს ვერ გავიტანდით და ამით ვერ მოვკლავდით თამაშს, მარუან ფელაინი უნდა შემეყვანა ნახევარდაცვაში სტაბილურობის შესაძენად; ეს კი საჭირო იყო, რათა ტროი დინისა და სტეფანო ოკაკას გავმკლავებოდით. ძალიან კარგად მოვახერხეთ ეს და გამარჯვება დავიმსახურეთ."

სწრაფი სტარტი

"რამაც ყველაზე მეტად გამახარა, თამაშის დასაწყისი იყო. ფეხბურთელებს ვუთხარი, რომ აუცილებელი არ იყო პირველივე წუთზე გატანა - პირველ წუთზე გოლის გატანა რთულია და ჩვენს კონტროლს არ ექვემდებარება. მაგრამ კარგი ფეხბურთის თამაში საწყისი წუთებიდანვე შესაძლებელია. ამის გაკეთება ჩვენი პასუხისმგებლობაა და გავაკეთეთ. დასაწყისიდანვე კარგად ვითამაშეთ დამცველი გუნდის წინააღმდეგ, რომელშიც ცენტრალური მცველი მარცხენა მცველად თამაშობდა, მცველები კი მაღლები და ძლიერები არიან. რთული იყო, მაგრამ კარგად გავართვით თავი, როცა 1-0 ვიგებდით, უფრო მეტი სივრცე მოგვეცა, ხოლო მეორე გოლმა გამარჯვება გაგვინაღდა."

ზედიზედ 4 "მშრალი" მატჩი

"ბედნიერი ვარ - გუნდი კარგად იცავს თავს. ხანდახან სხვა მიზეზი გვაქვს მცველების შესაცვლელად, მაგრამ გუნდურად თავს კარგად ვიცავთ. შემდეგ, როცა მეკარე მნიშვნელოვან სეივს ახორციელებს, როგორც ეს დავიდ დე ხეამ გააკეთა მაურო სარატეს ჯარიმის დროს, უფრო მნიშვნელოვანი ხდება თვით ეს სეივი. მაგრამ, როგორც გუნდი, თავს კარგად ვიცავთ."