"მანჩესტერ იუნაიტედის" მთავარი მწვრთნელი ჟოზე მოურინიო აცხადებს, რომ კლუბის ხელმძღვანელობისგან მხოლოდ შესაძლო ტრანსფერების განხორციელებას მოითხოვს.
"წითელი ეშმაკების" სახელს ანტუან გრიზმანს, ვილიანს, ვიქტორ ლინდელიოფსა და ტიმუე ბაკაიოკოს შეძენას უკავშირებენ, თუმცა თითოეული მათგანი ზაფხულის სატრანსფერო სამიზნეებად ითვლებიან.
მოურინიო კი აცხადებს, რომ უკვე იცის, რომელი ფეხბურთელების შეძენა სურს და დროს უქმად არ დახარჯავს ისეთ ტრანსფერებზე, რომელთა განხორციელებაც შეუძლებელი იქნება.
"ვიცი, რომელი ფეხბურთელებიც მჭირდება. რა თქმა უნდა, ყველაფრის დასაწყისი იმ ფეხბურთელთა დონეა, რომელთა შეძენა გსურს, მაგრამ ამის შემდეგ, ადრე თუ გვიან, იმ ფეხბურთელით უნდა დასრულდეს, ვინც გჭირდება.
და როგორც უკვე ვთქვი, ყოველთვის ობიექტურობას ვცდილობ, ზაფხულის ისტორიებში მონაწილეობას იმ ფეხბურთელთა შეძენის მცდელობით არ ვაპირებ, რომელთა გადაბირებაც შეუძლებელია.
არ ვაპირებ მისტერ ვუდვორდს ან მისტერ გლეიზერებს ვუთხრა, "მე მომიყვანეთ" - 31 აგვისტომდე ამაზე დროის ფლანგვა არ ღირს, ამიტომაც ობიექტურობას ვამჯობინებ.
რაც მალე, მით უკეთესი და ვიცი, ზუსტად რაც მჭირდება. ვიცი, რომ ჩემი სურვილის ახდენა შესაძლებელია, ასე რომ, ვნახოთ, რას მოვახერხებთ."