ის ერთ-ერთი ყველაზე მშვიდი და უდრეკია თამაშში, მაგრამ როცა "მანჩესტერ იუნაიტედის" მეკარე თავის საყვარელ ბენდ "ევენჯიდ სევენფოლდს" შეხვდა, აღელვებისა და ნერვიულობის ნაზავს განიცდიდა.
ამერიკული მძიმე-მეტალის ჯგუფმა წინა თვეში "მანჩესტერ არენაზე" თავიანთი ახალი ალბომის - The Stage - პრეზენტაცია გამართა და გაიგეს რა დე ხეას დამოკიდებულება მათ მიმართ, ესპანელი შოუზე მიიწვიეს.
დე ხეამ, რომელსაც თან ახლდა თავისი მეგობარი გოგონა, ედურნე გარსია და მეგობრები, "იუნაიტედის" სპეციალური მაისური მიუტანა ბენდს, რომელმაც სიმღერა Hail to the King კონცერტის დროს სწორედ მეკარეს მიუძღვნა.
შეხვედრიდან რამდენიმე დღის შემდეგ "იუნაიტედის" ოფიციალური ტელევიზიისთვის მიცემულ ინტერვიუში დავიდმა აღნიშნა, რომ სიამოვნებით დაესწრებოდა ბენდის ყველა კონცერტს.
როცა ჯგუფთან მისი შეხვედრის შესახებ ჰკითხეს, დე ხეამ უპასუხა: "საოცარი იყო. სიტყვებით რთულია ამის გადმოცემა, მაგრამ ბავშობიდანვე მომწონს ისინი და ეს დაუჯერებელი გამოცდილება იყო. ყველა კონცერტზე წასვლა მინდა, მიყვარს!
როცა იმას ხვდები, ვინც დიდი ხანია მოგწონს, რა თქმა უნდა, ნერვიულობ და აღელვებული ხარ. "იუნაიტედის" ფანები არიან და სასიამოვნო იყო იქ მოხვედრა, კონცერტი კი დაუჯერებელი იყო."
წამყვანი სოლისტი მ. შედოუსი აცხადებს: "იუნაიტედისა" და დავიდის დიდი გულშემატკივრები ვართ. გავიგეთ, რომ ჩვენი დიდი გულშემტკივარიც იყო და დიდებული იყო მასთან შეხვედრა, როცა მანჩესტერში ვიყავით. იმედი მაქვს, დავიდს საქმეში ვიხილავთ შემდეგში, როცა "ოლდ ტრაფორდზე" მოვხვდებით."