ანდერ ერერას თქმით, პრემიერ ლიგის ოთხეულში მოხვედრა და ჩემპიონთა ლიგის საგზურის ამ გზით მოპოვება "მანჩესტერ იუნაიტედისთვის" უფრო მნიშვნელოვანია, ვიდრე ევროპა ლიგის მოგება.

ჟოზე მოურინიოს გუნდი მომდევნო კვირაში ევროპა ლიგის 1/16 ფინალში "სენტ-ეტიენს" დაუპირისპირდება.

გასულ სეზონში "იუნაიტედს" ოთხეულში მოხვედრაში ხელი "მანჩესტერ სიტიმ" შეუშალა, წელს კი ერერა იმედოვნებს, რომ მისი გუნდი ოთხეულში მოხვდება და შარშანდელ უიღბლობას არ გაიმეორებს.

"კარგ ფორმაში ვიმყოფებით, მაგრამ ოთხეულში რაც შეიძლება მალე მოხვედრა გვსურს. რა თქმა უნდა, ოთხეულში უნდა შევიდეთ, მაგრამ ამის გარდა კიდევ სამი ტურნირი გვაქვს.

100 პროცენტით ბედნიერები არ ვიქნებით, მეოთხეზე თუ გავალთ, რადგან მაქსიმალურად მაღალი ადგილის დაკავება გვსურს, მაგრამ მინიმუმ ოთხეულში მაინც უნდა შევიდეთ და მერე სხვა ტიტულებისთვის უნდა ვიბრძოლოთ.

ევროპა ლიგა კიდევ ერთი გზაა ჩემპიონთა ლიგაზე მოსახვედრად, მაგრამ ჩვენ ჩემპიონატიდან გასვლა გვსურს. თუმცა, ცხადია, ესეც საშუალებაა".

goal.com