"მანჩესტერ იუნაიტედის" მცველ მატეო დარმიანს მიაჩნია, რომ ანდრეა პირლო "ოლდ ტრაფორდზე" წარმატებული იქნებოდა, პრემიერ ლიგის 20-გზის ჩემპიონებს იგი რომ შეეძინათ.

პირლომ თავისი კარიერის უმთავრესი ნაწილი სერია A-ში "ბრეშიას", "ინტერის", "რეჯინას", "მილანისა" და "იუვენტუსის" რიგებში თამაშისას გაატარა, სანამ 2015 წელს "ნიუ-იორკ სიტიში" გადავიდოდა.

პრემიერ ლიგაში გადასვლა თავისი კარიერის ამ ეტაპზე არარეალურად მოსჩანს, მაგრამ დარმიანს ეჭვიც არ ეპარება, რომ მისი თანამემამულე ინგლისის ჩემპიონატშიც წარმატებით იასპარეზებდა.

"იუნაიტედის" ოფიციალური ვებ-გვერდისთვის ინტერვიუს მიცემისას დარმიანს სთხოვეს, დაესახელებინა ერთი იტალიელი ფეხბურთელი, რომლის ხილვასაც "იუნაიტედში" ისურვებდა: "იტალიური ფეხბურთის ისტორიაში ბევრი კარგი მოთამაშე იყო, ამიტომ გამიჭირდება ერთის შერჩევა, მაგრამ მაინც თუ უნდა ავირჩიო, პირლოს დავასახელებ.

მას ძალიან ვიცნობ, ეროვნულ ნაკრებში ერთად ვითამაშეთ და მის უნარებსაც ვიცნობ. ძალიან კარგი ფეხბურთელია და "იუნაიტედში" წარმატებით იასპარეზებდა."

წყარო: goal.com