"მანჩესტერ იუნაიტედის" გულშემატკივრები გუშინ "ოლდ ტრაფორდის" მახლობლად შეიკრიბნენ, რათა 59 წლის წინ მიუნხენის ავიაკატასტროფაში დაღუპულთათვის პატივი მიეგოთ.
კლუბის მოძღვარი მეუფე ჯონ ბოიერსი 23 ადამიანისადმი მიძღვნილ ცერემონიას ხელმძღვანელობდა. სწორედ ამდენი ადამიანი დაიღუპა 1958 წლის 6 თებერვალს, 15 საათსა და 4 წუთზე.
კლუბის მხარდამჭერებს შტაბის წევრებიც შეუერთდნენ და კატასტროფის მოხდენის დროს წუთიერი დუმილით მიაგეს პატივი გარდაცვლილებს, რის შემდეგაც ადგილობრივი ფოლკლორისტისა და "იუნაიტედის" სეზონური აბონიმენტის მფლობელმა პიტ მარტინმა ორი სიმღერა შეასრულა: The Flowers of Manchester და The Pride Of Football.
ცერემონია 11 თებერვალს "ოლდ ტრაფორდზე" გაგრძელდება, სადაც "უოტფორდთან" მატჩი გაიმართება.
ვიდეოები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.