ანდრე მარინერი განსჯის ლიგის თასის ფინალურ მატჩს, რომელშიც "მანჩესტერ იუნაიტედი" და "საუთჰემპტონი" დაუპირისპირდებიან ერთმანეთს.

26 თებერვალს "უემბლიზე" ასისტენტობას 46 წლის მსაჯს რიჩარდ უესტი და სტიუარტ ბარტი გაუწევენ, ხოლო მეოთხე არბიტრად კევინ ფრიენდი დაინიშნება.

ბირმინგემში დაბადებული მსაჯი პრემიერ ლიგაში 2004 წლიდან მოღვაწეობს და 2013 წელს ინგლისის თასის ფინალიც იმსაჯა "მანჩესტერ სიტისა" და "უიგან ატლეტიკს" შორის.

მიმდინარე სეზონში კი მან "იუნაიტედის" სამი მატჩი განსაჯა, რომელთაგან 2 "წითლების" გამარჯვებით დასრულდა, ერთი კი ფრედ - 3-1 "ბორნმუთთან", 1-1 "არსენალთან" და 4-0 "რედინგთან".

მარინერს მიმდინარე სეზონში "საუთჰემპტონის" მონაწილეობით არცერთი მატჩი არ განუსჯია, მაგრამ "წმინდანების" რამდენიმე დიდი გამარჯვების თვითმხილველი გახდა, როცა "სენტ მერის" მკვიდრებმა "სიტის" მოუგეს 4-2 და "სანდერლენდს" 8-0.

ანდრე მიმდინარე სეზონში ლიგის თასის მეორე მატჩს განსჯის 26 თებერვალს. პირველი მათგანი "ლივერპულსა" და "ლიდს" შორის შედგა და მერსისაიდელებმა 2-0 იმარჯვეს.

წყარო: goal.com