"მანჩესტერ იუნაიტედის" მთავარმა მწვრთნელმა, ჟოზე მოურინიომ მიანიშნა, რომ მაიკლ კერიკის მომავალი "ოლდ ტრაფორდზე" ბუნდოვანია.

კერიკს, რომელსაც მიმდინარე სეზონის პრემიერ ლიგაში 11 მატჩი აქვს ჩატარებული, კონტრაქტის ვადა სეზონის ბოლოს ეწურება.

ინგლისელი ივლისში 36 წლის გახდება და მოურინიო მის ასაკზე დაყრდნობით აცხადებს, რომ კერიკს მაქსიმუმ ერთი წლით შეინარჩუნებს.

"გულახდილი ვიქნები. კერიკში ბევრ პოზიტივს ვხედავ. მაგრამ მის პირადობის მოწმობას ვერ ავიღებ და ხუთ წელს ვერ წავშლი. მაიკლი 30 წლის აღარ არის", - განაცხადა მოურინიომ.

ნახევარმცველი "იუნაიტედში" 2006 წლიდან ირიცხება და კლუბის რიგებში 400-ზე მეტი მატჩი ჩაატარა.

წყარო: goal.com