ჟოზე მოურინიომ "მანჩესტერ იუნაიტედის" ოფიციალურ ტელევიზიას განუცხადა, რომ ფილ ჯონსი ერთადერთი ფეხბურთელია, რომელიც კვირას "ლესტერ სიტისთან" თამაშს ვერ შეძლებს.
ჯონსი "ოლდ ტრაფორდზე" "ჰალ სიტისთან" გამართული მატჩის მეორე ტაიმში ტრავმის გამო შეცვალეს და ინგლისელმა მატჩის შემდეგ განაცხადა, რომ სერიოზული ტრავმა არ ჰქონდა. მიუხედავად იმისა, რომ ტრავმა მართლაც არ არის სერიოზული, მწვრთნელის თქმით, ჯონსი "ქინგ პაუერ სტედიუმზე" თამაშს ვერ შეძლებს.
ამასობაში ტრავმა მიიღო ჟოელ პერეირამაც, რომელიც დიდი ხანი ვერ შეძლებს გუნდის დახმარებას, მის ადგილს კი პირველ გუნდში "გრიმსბი თაუნიდან" დაბრუნებული დინ ჰენდერსონი დაიკავებს.