აქსელ ტუანზებემ "მანჩესტერ იუნაიტედთან" ახალ კონტრაქტს მოაწერა ხელი, რომლის თანახმადაც იგი კლუბში 2020 წლამდე რჩება, თუმცა შეთანხმების გახანგრძლივების პერსპექტივას ისახავს.
აკადემიის სისტემაში რვა წლის ასაკში ჩარიცხულმა ტუანზებემ უკვე ჩაატარა სადებიუტო მატჩი პირველი გუნდის რიგებში, როცა "უიგანთან" მატჩში შეცვლაზე შესვლის შედეგად ჩაერთო.
"ყოველთვის "მანჩესტერ იუნაიტედის" გულშემატკივარი ვიყავი, ასე რომ, მოხარული ვარ ახალი კონტრაქტის გაფორმებით. ინგლისის თასზე კლუბის რიგებში დებიუტის ქონა საამაყო იყო ჩემთვისაც და ჩემი ოჯახისთვისაც.
ყოველი სავარჯიშო დღისგან ვსწავლობ და დამატებით გამოცდილებას ვიღებ პირველ გუნდთან ერთად ყოფნით. ყველა იმ მწვრთნელს ვუხდი მადლობას, ვისთან მუშაობაც მომიწია და მთავარ მწვრთნელსაც, რომელმაც ამ დიდებულ კლუბში სადებიუტო მატჩი ჩამატარებინა", - განაცხადა მცველმა.
მოურინიო: "აქსელი დიდი პოტენციალის მქონე ახალგაზრდა ფეხბურთელია. პირველ გუნდში უფრო მეტი გამოცდილების მისაცემად ამოვიყვანეთ და ადვილად შეეგუა. მესიამოვნა, რომ ახალი კონტრაქტი გააფორმა და მოხარული ვარ მისი პროგრესით."