ჟოზე მოურინიო აღნიშნავს, რომ ჩემპიონთა ლიგა ენატრება, რადგანაც ამ ტურნირზე ჩატარებული მატჩების "საოცარ" რაოდენობას ვეღარ უმატებს.

"ჩელსის" ყოფილმა მწვრთნელმა 127 მატჩი ჩაატარა ევროპის ყველაზე პრესტიჟულ ტურნირზე და ყველაზე ახალგაზრდა მწვრთნელი გახდა, რომელმაც 100-მატჩიან ნიშნულს გადააჭარბა.

თუმცა, მიმდინარე სეზონში "მანჩესტერ იუნაიტედის" არყოფნა ჩემპიონთა ლიგაზე, ნიშნავს, რომ პორტუგალიელი თავის შედეგს ვერ გააუმჯობესებს, რის გამოსწორებასაც პრემიერ ლიგის საუკეთესო ოთხეულში ან ევროპა ლიგის მოგებით აპირებს.

"პირადად მე ჩემპიონთა ლიგა მენატრება. ყველა გამოტოვებული მატჩი ნიშნავს, რომ ჩატარებული შეხვედრების საოცარი რაოდენობა არ იზრდება.

მე ყველაზე ახალგაზრდა მწვრთნელი ვარ, რომელმაც 100 მატჩზე მეტი ჩაატარა. ყოველთვის, როცა არ ვთამაშობ, ბედნიერი არ ვარ.

მაგრამ "მანჩესტერ იუნაიტედი" გაცილებით მნიშვნელოვანია, ვიდრე მე და ჩემი პირადი მიზნები. მხოლოდ "იუნაიტედს" აქვს მნიშვნელობა და ყველამ იცის, რომ "იუნაიტედი" ჩემპიონთა ლიგის გუნდია.

ყველაფერი უნდა გავაკეთოთ იმისათვის, რომ მომდევნო სეზონში ჩემპიონთა ლიგაზე ვითამაშოთ. იქ მოხვედრის ორი შანსი გვაქვს. ერთი ევროპა ლიგის მოგებაა, მეორე - ოთხეულში შესვლა. ორივე მიღწევადი, მაგრამ რთულია, თუმცა ეს არ ნიშნავს, რომ მიღწევას არ ვეცდებით."

წყარო: independent