დღეს ინგლისის ასოციაციის თასის მეოთხე რაუნდის შეხვედრაში "მანჩესტერ იუნაიტედმა" "უიგანს" უმასპინძლა. "წითელ ეშმაკებს" პირველ ტაიმში მეტოქის კარის აღება უჭირდათ და სტუმართა დაცვას ვერ არღვევდნენ, მაგრამ საბოლოოდ კომფორტული გამარჯვება მოიპოვეს, ანგარიშით 4-0.
მატჩის წინ რუნის ოქროს ბუცი წინა რეკორდის მფლობელმა, სერ ბობი ჩარლტონმა გადასცა. თავდამსხმელს მასპინძელი და სტუმარი გუნდის ფეხბურთელები და გულშემატკივრები აპლოდისმენტებით შეხვდნენ. აღსანიშნავია, რომ შეხვედრაში "იუნაიტედის" ორი ფეხბურთელის, ჟოელ პერეირასა და აქსელ ტუანზებეს დებიუტი შედგა.