უეინ რუნის მიაჩნია, რომ "იუნაიტედის" ლოდინი, ეპოვნა სერ ალექს ფერგიუსონის ღირსეული შემცვლელი, ჟოზე მოურინიოს მისვლის შედეგად დასრულდა.

დევიდ მოიესისა და ლუი ვან გაალის ხელმძღვანელობისას განცდილი იმედგაცრუების შემდეგ კლუბის ყველა დროის საუკეთესო ბომბარდირი "ჩელსის" ყოფილი მწვრთნელიც აღფრთოვანებას ვერ მალავს.

კლუბის კაპიტანს მიაჩნია, რომ 26-წლიანი მმართველობის დასრულების შემდეგ ადაპტაციის პერიოდის საჭიროება მოსალოდნელი იყო, მაგრამ რუნის აზრით, ეს პერიოდი პორტუგალიელმა ხელმძღვანელმა დაასრულა.

"ვფიქრობ, ესეც ფეხბურთის ნაწილია", - უპასუხა რუნიმ, როცა ფერგიუსონის წასვლის შემდეგ ჩავარდნაზე ჰკითხეს.

"სერ ალექს ფერგიუსონის ხელმძღვანელობით "მანჩესტერ იუნაიტედს" 26 წლის განმავლობაში ჰქონდა სტაბილურობა შენარჩუნებული.

ხელმძღვანელობა კი ბოლო სამი თუ ოთხი წლის განმავლობაში შესაფერისი ადამიანის პოვნას ცდილობდა და მიმაჩნია, რომ მოურინიოს სახით ის იპოვა.

ყოველდღიური შრომა და მისი სამუშაოს სტილის ხილვა, როგორ ეპყრობა გუნდს - ეს ყველაფერი გიჩვენებს, რომ წარმატება კუთხეში იმალება".

წყარო: goal.com