"მანჩესტერ იუნაიტედის" მთავარი მწვრთნელი ჟოზე მოურინიო მიიჩნევს, რომ მისი გუნდი ლიგის თასის ფინალში ფავორიტი არ იქნება, რის დასტურადაც იურგენ კლოპის მიერ ნახსენებ "ქარიან ამინდს" იყენებს.

"წითელმა ეშმაკებმა" ორი მატჩი "ჰალ სიტი" 3-2 დაამარცხეს, რის შედეგადაც ფინალში გავიდნენ, სადაც "საუთჰემპტონს" 26 თებერვალს დაუპირისპირებიან.

მიუხედავად იმისა, რომ "ვეფხვებთან" დამარცხდნენ, "იუნაიტედი" "უემბლიზე" გასამართი მატჩის ფავორიტად ითვლება.

პორტუგალიელი კი ამ მოსაზრებას არ ეთანხმება და ფიქრობს, რომ ქარიან "უემბლიზე" ყველაფერი შეიძლება მოხდეს.

"არ ვფიქრობ, რომ ვინმესთან ფავორიტები ვიქნებოდით. მნიშვნელობა არ აქვს, ვინ იქნებოდა, ფავორიტები არასდროს ვართ.

როგორც წესი, "უემბლიზე" ქარი ქრის, რაც საქმეს ართულებს", - განაცხადა მოურინიომ.

მოურინიო კლოპის სიტყვებს გამოეხმაურა, რომელმაც "წმინდანებთან" ოთხშაბათს დამარცხების მიზეზად სწორედ ქარი დაასახელა.

გერმანელმა ლიგის თასის ნახევარფინალში დამარცხების შემდეგ განაცხადა: "პირველ ტაიმი რთული იყო - ძალიან უცნაური ქარი ქროდა, რასთან გამკლავებაც გართულდა.

ერთხელ თუ ორჯერ დაინახავდით, რომ ბურთი მაშინ ჩერდებოდა, როცა ამას არავინ ელოდა და იმ გუნდს უჭირდა, რომელიც ფეხბურთს თამაშობდა".

წყარო: goal.com