მემფის დეპაი აღნიშნავს, რომ "მანჩესტერ იუნაიტედის" მთავარი მწვრთნელის, ჟოზე მოურინიოსადმი ბოღმას არ იტოვებს და პორტუგალიელს დიდებულ მწვრთნელსა და ადამიანს უწოდებს.
ჰოლანდიელი ვინგერის ტრანსფერი "ლიონში" გასულ კვირაში ოფიციალურად დადასტურდა და მემფისმა უკვე მოასწრო სადებიუტო მატჩის ჩატარება ფრანგულ კლუბში.
სადებიუტო სეზონში "იუნაიტედის" მაისურით ლუი ვან გაალის ხელმძღვანელობისას ყველა ტურნირზე ჩატარებული 45 მატჩის შემდეგ დეპაი მხოლოდ 20 წუთით გამოჩნდა პრემიერ ლიგის მატჩებში.
მიუხედავად იმისა, რომ მოურინიო მემფისს მნიშვნელოვან ფეხბურთელად არ მოიაზრებდა თავის გუნდში, "იუნაიტედის" მწვრთნელმა 22 წლის ფეხბურთელის პროფესიონალიზმი და საქმისადმი მიდგომა შეაქო და განაცხადა, რომ შესაძლებლობის ქონის შემთხვევაში დეპაის სიამოვნებით შეინარჩუნებდა.
"სასიამოვნო სიტყვები იყო. მანჩესტერში ყოველთვის ისე ვშრომობდი, როგორც ყოველთვის. პირადად ჩემთვის ეს ყველაფერი ადვილი არ იყო. თამაში მჭირდებოდა. მაგრამ ცუდი ურთიერთობა არ გვქონია.
დიდებული მწვრთნელი და ადამიანია. ახლა აქ ვნახოთ, როგორ ვითამაშებ. ნებისმიერ შემთხვევაში, მან ჩემ შესახებ დადებითად ისაუბრა", - განაცხადა დეპაიმ.