"მანჩესტერ იუნაიტედის" მთავარმა მწვრთნელმა ჟოზე მოურინიომ "ჰალ სიტისთან" მატჩის წინა პრესკონფენრეციაზე განაცხადა, რომ გუნდს ყველა ტურნირზე წარმატების მიღწევა სურს, თუმცა აცნობიერებს, რომ ამის გაკეთება ადვილი არ იქნება.

"წითლები" ლიგის თასის ნახევარფინალის განმეორებით მატჩს ხუთშაბათს "ჰალ სიტისთან" გამართავენ, რის შემდეგაც სამ დღეში ინგლისის თასზე "უიგანს" დაუპირისპირდებიან. აღნიშნული ორი ტურნირის გარდა, "იუნაიტედი" პრემიერ ლიგასა და ევროპა ლიგაზეც ასპარეზობს, რომელთაგან ბოლო ტურნირზე გამოსვლას თებერვალში განაახლებს.

როცა პრესკონფერენციაზე ჰკითხეს, შეძლებდა თუ არა მისი გუნდი ყველა ტურნირზე ბოლომდე ასპარეზობას, პორტუგალიელმა უპასუხა: "ნამდვილად არ ვიცი. მხოლოდ ის ვიცი, რომ რთული იქნება. ვნახოთ, რა მოხდება. ამჟამად ლიგის თასის მოგების 35%-ანი შანსი გვაქვს.

ტურნირის მოგება კარგია, მაგრამ ამის შემდეგ წარმატებით ასპარეზობაში უმთავრესი არ არის. ტურნირიდან ტურნირამდე, მატჩიდან მატჩამდე მივდივართ. ნამდვილად რთული იქნება. ჩემს ოფისში კედელზე დაფა მაქვს, სადაც ყველა მატჩი და ყველა შესაძლო მატჩია ჩამოთვლილი და როცა მას ვუყურებ, საკმაოდ გადატვირთული გრაფიკი გვაქვს.

მოურინიო აღფრთოვანებას არ მალავს მარკუ სილვათი, რომელიც "ჰალ სიტის" მთავარ მწვრთნელად სულ ახლახანს დაინიშნა.

პორტუგალიელ მწვრთნელებს ხშირად ადარებენ ერთმანეთს და ამაში ისიც უწყობთ ხელს, რომ სილვასა და მოურინიოს ერთნაირი კარიერის დასაწყისი ჰქონდათ.

პრესკონფერენციაზე მოურინიოს ჰკითხეს, გაკვირვებული იყო თუ არა სილვას ნაადრევი წარმატებით "ჰალის" მთავარ მწვრთნელად: "არ მიკვირს. ვიცოდი. ვიცოდი, რომ მარკუ იმდენად კარგი მწვრთნელია, რომ გუნდს გააუმჯობესებს. ჯერ კიდევ რთული საქმე აქვს გასაკეთებელი. გადარჩენისთვის მებრძოლი სხვა ხუთი, ექვსი თუ შვიდი გუნდის წინააღმდეგ რთული ბრძოლის გადატანა მოუწევს, მაგრამ კარგი მწვრთნელია, ძალიან კარგი."

მიუხედავად იმისა, რომ "იუნაიტედმა" "ჰალ სიტისთან" პირველი მატჩი ორბურთიანი სხვაობით მოიგო, მოურინიოს მიაჩნია, რომ მის გუნდს ფინალში გასვლა ჯერ განაღდებული არ აქვს.

"ჩვენ წინააღმდეგ ძალიან კარგად ითამაშეს. სახლში მოგებული მატჩებიც ძალიან კარგ სტილში მოიგეს. "ჩელსის" წინააღმდეგაც კარგად ითამაშეს. ასე რომ, ვფიქრობ, კარგ მდგომარეობაში იმყოფებიან.

წყარო: manutd.com