"მანჩესტერ იუნაიტედი" და "ჩელსი" ზაფხულში მადრიდის "რეალიდან" გარეთ ბეილის შეძენას 172 მლნ. ფუნტად ეცდებიან.

27 წლის ფეხბურთელი ამჟამად თამაშს ვერ ახერხებს, რისი მიზეზიც ჩემპიონთა ლიგის ჯგუფურ ეტაპზე ნოემბერში მიღებული ტრავმა გახლავთ.

თუმცა ბეილი უელსისა და ირლანდიის ნაკრებების მატჩამდე დაბრუნებას ნამდვილად მოახერხებს, ზინედინ ზიდანის გუნდს კი მომდევნო თვეში შეუერთდება.

მიუხედავად ტრავმისა, ესპანური გამოცემა Don Balon-ი იტყობინება, რომ "წითელი ეშმაკები" და პრემიერ ლიგის ამჟამინდელი ლიდერები "ლოს გალაქტიკოსიდან" უელსის ნაკრების ფეხბურთელის შეძენას ზაფხულში ეცდებიან.

ბეილი ლა ლიგის გრანდში 2013 წელს "ტოტენჰემიდან" გადავიდა და მასში რეკორდული, 85 მლნ. ფუნტი იქნა გადახდილი, მისი მოქმედი კონტრაქტი კი "სანტიაგო ბერნაბეუსთან" 2022 წლამდე აკავშირებს.



ამის შემდეგ მსოფლიოს ყველაზე ძვირადღირებული ფეხბურთელის სტატუსი პოლ პოგბამ მიითვისა, როცა "იუვენტუსი" დატოვა და "იუნაიტედს" 89 მლნ. ფუნტად შეუერთდა.

ბეილმა "რეალში" ასპარეზობისას ორჯერ მოიგო ჩემპიონთა ლიგა, ასევე კოპა დელ რეი, მსოფლიო საკლუბო ჩემპიონატი და UEFA-ს სუპერ თასი.

"ლოს ბლანკოსი" ამჟამად ლა ლიგა-ს ლიდერობს და იმედოვნებს, რომ ბოლო 5 წლის განმავლობაში პირველად მოიგებს ესპანეთის ჩემპიონატს.

წყარო: walesonline