"მანჩესტერ იუნაიტედის" მთავარმა მწვრთნელმა, ჟოზე მოურინიომ განაცხადა, კარგი თამაშის ფონზე ცუდი შედეგის მიღების შედეგად გამოწვეულ იმედგაცრუებას ხანდახან წაგებას ამჯობინებს.
"წითელ ეშმაკებს" პრემიერ ლიგაში ექვსმატჩიანი მოგებათა სერია ჰქონდათ, სანამ "ლივერპულთან" ფრეს ითამაშებდნენ, ამის შემდეგ კი ორმატჩიანი ფრეების სერია აქვთ, რომელთაგან მეორეს "სტოკ სიტისთან" გასვლაზე მოპოვებული ერთი ქულა წარმოადგგენს.
თუმცა, პორტუგალიელი სპეციალისტი გუნდის თამაშის ხარისხით კმაყოფილია და თანაც იმდენად, რომ მატჩებში ცვლილებების განხორციელება უჭირს.
"შანსებს ვქმნით და ხანდახან ისე კარგად ვთამაშობთ, რომ ცვლილებების განხორციელება ადვილი არ არის.
ცვლილების განხორციელება მაშინ არის ადვილი, როცა ხედავ, რომ გუნდი კაგრად არ თამაშობს, ფეხბურთელები ვერ თამაშობენ.
ჩემი ცვლილებებით მატჩის სხვა მიმართულებით წარმართვას ვცდილობ. ცვლილებას იმის გამო არ ვახორციელებ, რომ ესა თუ ისე ფეხბურთელი ცუდად თამაშობს, ან ვერაფერს გვაძლევს - საერთოდ არა.
ხანდახან მირჩევნია, სახლში ცუდი თამაშისა და წაგების შემდეგ დავბრუნდე, რადგან ეს დამსახურებული მაინც იქნება. წავიდეთ სახლში და ხვალ ახალი დღე დაიწყება.
უფრო რთულია, როცა ყველაფერი კარგად მიდის და შედეგი თამაშთან შესაბამისი არ არის", - განაცხადა "იუნაიტედის" მწვრთნელმა.