ზლატან იბრაჰიმოვიჩს მიაჩნია, რომ უეინ რუნის ინგლისურ ფეხბურთში სათანადო პატივს არ სცემენ, მიუხედავად იმისა, რომ მან კლუბისა და ქვეყნის ნაკრების რიგებში ყველაზე მეტი გოლი გაიტანა.

"მანჩესტერ იუნაიტედის" კაპიტანმა "სტოკ სიტისთან" გატანილი გოლით სერ ბობი ჩარლტონის რეკორდი დაამხო. მას ამჟამად 250 გოლი აქვს გატანილი, რაც "იუნაიტედში" საუკეთესო შედეგია, ინგლისის ნაკრების ყველა დროის საუკეთესო ბომბარდირი კი, რუნი 2015 წლის სექტემბერში გახდა - მის ანგარიშზე 53 გოლია "სამი ლომის" რიგებში.

იბრაჰიმოვიჩს კი მიაჩნია, რუნის ჯერ კიდევ არ სცემენ იმის შესაბამის პატივს, რასაც მისი მიღწევები იმსახურებს.

"სრულყოფილი ფეხბურთელია. მოედნის მიღმა ნამდვილი ლიდერია, მოედანზე კი უბრალოდ სრულყოფილი.

თანაგუნდელებს ეხმარება და დიდებული მახასიათებლები აქვს - იცის, როგორ გაიტანოს გოლი, იცის, როგორ გააკეთოს საგოლე გადაცემა.

ბევრს შრომობს, დიდებული მიდგომა და სულისკვეთება აქვს.

ყველასთვის ცნობილია, რას წარმოდგენს უეინი, მაგრამ მისმა ქვეყანამ უფრო მეტი პატივი უნდა სცემს.

დღეს მისი მსგავსი ფორვარდი არ არსებობს. ერთი მაინც დამისახელეთ. მითხარით. მაგრამ მაინც არ ხართ კმაყოფილები", - განაცხადა შვედმა.

წყარო: goal.com