"იუნაიტედის" კაპიტანმა მორიგი ინდივიდუალური ჯილდო მიიღო.
"მანჩესტერ იუნაიტედის" ყველა დროის საუკეთესო ბომბარდირს, უეინ რუნის, საფეხბურთო მწერალთა ასოციაციამ კვირას საღამოს ლონდონში გამართულ წვეულებაზე სპეციალური ჯილდო გადასცა.
ერთ-ერთი ყველაზე ცნობილი ჟურნალისტები სასტუმრო "სევოიში" შეიკრიბნენ, სადაც "წითლების" კაპიტანს, რომელმაც სერ ბობი ჩარლტონის რეკორდი დაამხო, მიღწევის აღსანიშნავად სპეციალური პრიზი გადასცეს.
ეს უკვე მეხუთე შემთხვევაა, როცა მწერლები ინდივიდუალური ფეხბურთელის საპატივცემულოდ ვახშამს აწყობენ - რუნიმდე ამის ღირსი რაიან გიგზი, დევიდ ბექჰემი, სტივენ ჯერარდი და ფრენკ ლამპარდი გახდნენ.
სიტყვით გამოსვლისას რუნიმ განაცხადა:
"მადლობას ვუხდი საფეხბურთო მწერლებს ამ პრესტიჟული ჯილდოსათვის. წინა დაჯილდოებულთა სიას გადავხედე და ჩემთვის პატივია, რომ მათ კომპანიაში ვიმყოფები.
მადლობას ვუხდი მწვრთნელებს, რომლებთან ერთადაც მიმუშავია - თითოეული მათგანის დამსახურებაა, რომ ვარ ის ფეხბურთელი, როგორიც ამჟამად ვარ - და მადლობა ჩემს თანაგუნდელებსაც.
დიდ მადლობას ვუხდი ჩემს ოჯახს და პოლ სტრეტფორდს, რომელმაც უდიდესი როლი ითამაშა ჩემს ცხოვრებაში, როგორც მეგობარმა და აგენტმა. მადლობას ვუხდი ჟოზე მოურინიოს, რომ ხვალ დასვენების დღეს მაძლევს!"უეინ რუნი საფეხბურთო მწერალთა ასოციაციის ეროვნული კომიტეტის არჩევანი მიმდინარე წლის მოვლენის საფუძველზე გახდა, რაც აგრძელებს ტრადიციას იმ ადამიანთა დაფასებისა, ვინც ინგლისური ფეხბურთისთვის უმნიშვნელოვანი რამ გააკეთა. გარდა იმისა, რომ რუნი "იუნაიტედის" საუკეთესო ბომბარდირია, ის ინგლისის ნაკრების საუკეთესო ბომბარდირიცაა და ყველაზე მეტი მატჩი აქვს ჩატარებული "სამ ლომთა" რიგებში.
როი ჰოჯსონმა, ეროვნული ნაკრების ყოფილმა მწვრთნელმა რუნისადმი საპატივსაცემო სიტყვები არ დაიშურა, როცა სცენაზე მიიწვიეს.
"როცა უეინს პირველად შევხვდი, არ ვიცოდი, მისგან რისი მოლოდინი უნდა მქონოდა, მაგრამ გაკვირვებული დავრჩი ფეხბურთზე ასე შეყვარებული ადამიანით.
ფეხბურთისადმი სიყვარულსა და ლტოლვას განიცდის. მისი ენერგია და ენთუზიაზმი ორი უმნიშვნელოვანესი მახასიათებელია.
მოედანს მიღმა ნამდვილი მეოჯახე ადამიანია - მისთვის ოჯახი ბევრს ნიშნავს. და ძალიან სულგრძელი პიროვნებაცაა ამავდროულად, ყველა ავტოგრაფს აწერს ხელს, რომელსაც თხოვენ".წყარო:
manutd.com