შედეგით უკმაყოფილო
"რა თქმა უნდა, იმედგაცრუებული ვარ. ბევრჯერ მითქვამს, რომ ფრე მაშინ არის კარგი შედეგი, როცა ოპონენტი შენზე უკეთესია, მაგრამ იმ დროს, როცა ჩვენ წარმოვადგენთ გუნდს, რომელიც პოზიტიურ შედეგზე ნადირობს, შანსებს ქმნის, შანსებს ანიავებს, ავტოგოლს უშვებს, ერთი ქულით კმაყოფილი ნამდვილად ვერ ვიქნები"

რუნის რეკორდი
"ეს ბრწყინვალე მიღწევაა - ისტორიას ეს რეკორდი ბევრი, ძალიან ბევრი წლის მანძილზე შემორჩება. ვფიქრობ, მან დღევანდელი მიღწევით უნდა ისიამოვნოს და დანარჩენებმაც, ეს იმედგაცრუება მალევე დაივიწყონ"

კარგი გუნდური სულისკვეთება
"გუნდურ სულისკვეთებასთან პრობლემა არ მაქვს. არ არსებობს პრობლემა ფანებსა და ფეხბურთელებს შორის კავშირზე. მატჩის ბოლო წუთამდე ყველას სჯერა გამარჯვების მოპოვების და ეს კარგია, მაგრამ ძალიან ძლიერი უნდა იყო, რომ ასეთი განიავებული შანსების შემდეგ ბრძოლისუნარიანობა არ დაკარგო. ამას დამატებული, უშვებ ავტოგოლს. არც კი ვიცი ვინ გაიტანა ეს გოლი - მატამ, დე ხეამ თუ სხვამ. რთულია, მაგრამ სულისკვეთება მაინც შევინარჩუნეთ და ვფიქრობ, ეს ძალიან მნიშვნელოვანია"

კარგი თავდაცვა
"დე ხეა ბურთს არ შეხებია. მცველებმა ზედმიწევნით შეასრულეს ის დავალებები, რაზეც კვირის განმავლობაში ვავარჯიშებდით - პიტერ კრაუჩის განეიტრალება. პიტერი საჯარიმოს გარეთ საშიში არ არის, მაგრამ ძალიან საშიშია საჯარიმოში. არ მახსოვს, მეორე ტაიმში ის საჯარიმოში ბურთს საერთოდ თუ შეეხო. მათი კუთხურებიც კარგად გავანეიტრალეთ, მცველებმა კარგად იმუშავეს"

დომინანტი "იუნაიტედი"
"მატჩში ჩვენ ვდომინირებდით. საფეხბურთო დანაშაული იქნებოდა, ეს მატჩი რომ წაგვეგო. მაგრამ კმაყოფილი მაინც ვერ ვარ, რადგან ვერ ვიაზრებ როგორ ვაფუჭებთ ასეთ შანსებს თითქმის ყველა შეხვედრაში"

წყარო: manutd.com