"მანჩესტერ იუნაიტედის" მთავარი მწვრთნელი ჟოზე მოურინიო აცხადებს, რომ შაბათს მისი გუნდი "სტოკთან" მხოლოდ გამარჯვებისთვის გავა და არა წაუგებელი სერიის შესანარჩუნებლად.
"წითლების" ცხრამატჩიანი გამარჯვებათა სერია კვირას "ლივერპულთან" მატჩში დასრულდა, თუმცა გუნდი ყველა ტურნირზე ჩატარებულ ბოლო 16 მატჩში არ დამარცხებულა.
"იუნაიტედის" მომდევნო მეტოქე მარკ ჰიუზის "სტოკ სიტი" იქნება, რომელსაც "ბეტ 367" არენაზე ეწვევა და გუნდი მორიგი სამი ქულის აღებას ეცდება, რაც ოთხეულში მოსახვედრად ესოდენ მნიშველოვანია.
"მატჩებში მონაწილეობას იმის გამო არ ვაპირებთ, რომ კიდევ ერთი შეხვედრა დავასრულოთ წაგების გარეშე, ან 18-20-მატჩიან ნიშნულს მივაღწიოთ, სულაც არა.
ჩვენ მატჩების მოგება გვინდა, ამას ვცდილობთ, ამისთვის ვრისკავთ. თუ ვმარცხდებით, ვმარცხდებით და დაუმარცხებელ სერიასაც ვკარგავთ.
"სტოკთან" ჩვენი წაუგებელი სერიის შესანარჩუნებლად არ ჩავალთ - მაგრამ ძალიან კარგი სერიაა, უნდა ვაღიარო", - განაცხადა მოურინიომ.