"მანჩესტერ იუნაიტედის" მეკარეს, დავიდ დე ხეას სჯერა, რომ პოლ პოგბა "წითელი ეშმაკების" რიგებში წარმატებას მიაღწევს.

ესპანელი კიპერის პროგრესი ერთ-ერთი სასიამოვნო მოვლენა იყო, რაც სერ ალექს ფერგიუსონის ეპოქაში "იუნაიტედს" შეემთხვა.

კიდევ ერთი ფეხბურთელი, ვის პროგრესსაც "იუნაიტედის" გულშემატკივარი მოუთმენლად ელის, პოლ პოგბაა, რომელიც "ლივერპულთან" ჩატარებული მატჩის შემდეგ კრიტიკოსთა სამიზნე კიდევ ერთხელ გახდა.

დე ხეა, რომელსაც "ატლეტიკოდან" გადასვლის შემდეგ პრობლემები აღენიშნებოდა ინგლისში, მიიჩნევს, რომ ფრანგი ნახევარმცველის უნარები ეჭვის საფუძველსაც კი არ იძლევა.

როცა ჰკითხეს, პოგბა პრემიერ ლიგაში დაბრუნების შემდეგ კვლავ ფამილაურად უდგება თუ არა საკუთარ თავს, დავიდმა უპასუხა: "არა. უმაღლესი დონის მოთამაშეა.

ჩვენთვის მნიშვნელოვანია. დიდებული ნახევარმცველი და გასახდელ ოთახში კარგი ადამიანია. საოცარი ფეხბურთელია.

თავდაპირველად, როცა ქვეყანას, ფეხბურთელებს და აქაურ ფეხბურთს არ იცნობ, ცოტა რთულია. მაგრამ უნდა იბრძოლო, ივარჯიშო და საკუთარ თავზე იფიქრო.

თავიდან მეც გამიჭირდა. ახალ ფეხბურთთან, ახალ ფეხბურთელებთან და ახალ ენასთან ერთად ყველაფერი გართულდა. მაგრამ მე ჩემი თავის მჯეროდა და ბრძოლას არ ვწყვეტდი.

ამ ქვეყანაში, ნებისმიერ ქვეყანაში, შეცდომებს უშვებ, ჩვენ ხომ ადამიანები ვართ. ნორმალურია, რომ მეკარემ და ფეხბურთელმა შეცდომა დაუშვას".

წყარო: skysports