"მანჩესტერ იუნაიტედი" მადრიდის "რეალს" ბერნარდუ სილვასთვის კონკურენციას გაუწევს და "მონაკოს" ნახევარმცველის შეძენას ზაფხულში 70 მლნ. ფუნტად ეცდება.
"იუნაიტედი" უკვე დიდი ხანია გეგმავს მადრიდის "ატლეტიკოს" ვარსკვლავის, ანტუან გრიზმანის შეძენას და მოურინიოს სურს, რომ სილვა გამთამაშებლად შეიძინოს, რათა გრიზმანს თავდასხმაში დახმარება გაუწიოს.
თუმცა, "წითლებს" ამის გაკეთება ადვილად არ გამოუვათ, რამეთუ "მონაკოს" ფეხბურთელისთვის "რეალიც" იბრძოლებს.
სილვას აგენტი ჟორჟე მენდეშია, რომელიც ასევე ჟოზე მოურინიოსა და კრიშტიანუ რონალდუს ინტერესებს იცავს.
ბერნარდუ პორტუგალიის ერთ-ერთ ამომავალ ვარსკვლავად ითვლება, მაგრამ 2016 წლის ევროპის ჩემპიონატს მიღმა ტრავმის გამო დარჩა.
სილვა "მონაკოს" "ბენფიკადან" 14 მლნ. ფუნტად შეუერთდა და ნახევარდაცვაში ასპარეზობისას 4 გოლი გაიტანა და 4 საგოლე გადაცემა გააკეთა მიმდინარე სეზონში.