ინგლისელი მცველის აგენტი აცხადებს, რომ პრესაში გავრცელებული ჭორები, თითქოს ლუკ შოუ "მანჩესტერ იუნაიტედში" ბედნიერი არ არის, უსაფუძვლოა და "წითლების" მარცხენა მცველი კლუბში თავს ბედნიერად გრძნობს.

21 წლის ფეხბურთელმა თავისი ბოლო მატჩი 30 ნოემბერს, ლიგის თასზე "ვესტ ჰემის" წინააღმდეგ ჩაატარა, პრემიერ ლიგაში კი ბოლოს ერთი თვით ადრე, "ბარნლისთან" უგოლო შეხვედრაში გამოჩნდა.

საერთო ჯამში შოუს პრემიერ ლიგაში შვიდი მატჩი აქვს ჩატარებული მიმდინარე სეზონში და ზოგიერთი გაზეთი ირწმუნება, რომ ჟოზე მოურინიო მარცხენა მცველის პროგრესის შეყოვნებით უკმაყოფილოა.

თუმცა ბარნეტმა, ფეხბურთელის აგენტმა ცხადყო, რომ მისი კლიენტი კლუბში თავს კარგად გრძნობს, კლუბს კი მისი იმედი აქვს.

"გაბრაზებული ვარ მთელი ამ ჭორებით, რომლებიც იუწყება, თითქოს ლუკ შოუ ზაფხულში "მანჩესტერ იუნაიტედს" დატოვებს. გაბრაზებული ვარ უპასუხისმგებლო ჟურნალისტიკაზე. ლუკ შოუ ბედნიერია "მანჩესტერ იუნაიტედში" და "მანჩესტერ იუნაიტედი" კმაყოფილია მისით", - განაცხადა ბარნეტმა.

წყარო: ibtimes.co.uk