ლუი ვან გაალი ფიქრობს, რომ "მანჩესტერ იუნაიტედით" ინგლისის თსის მოგება მისი უდიდესი სამწვრთნელო მიღწევაა იმის ფონზე, არა "არაჰუმანურ" ზეწოლასაც მასზე ახდენდნენ.

ჰოლანდიელმა "წითელი ეშმაკები" "უემბლიზე" ტრიუმფის შემდეგ დატოვა და მისი ადგილი ჟოზე მოურინიომ დაიკავა.

ადამიანმა, რომელსაც თავის კარიერაში მოგებული აქვს ლა ლიგა, ერედივიზი, ბუნდესლიგა და ჩემპიონთა ლიგა, ჩათვალა, რომ ევროპის ყველაზე ძველი ტურნირის მოგება მისთვის უფრო დიდ მიღწევად ითვლება.

"მანჩესტერ იუნაიტედთან" ერთად ინგლისის თასის მოგება ჩემი უდიდესი მიღწევაა. ჩემი ბოლო ექვსი თვე ბეწვის ხიდზე გავატარე, თავი კი ყულფში მქონდა გაყოფილი. ეს ყველაფერი ინგლისური მედიის ბრალი იყო.

იმ დროს არაჰუმანურ ზეწოლას ახდენდნენ, მე კი ჩემი ფილოსოფიის ერთგული უნდა დავრჩენილიყავი და ფეხბურთელთა მოტივირება მომეხდინა. როცა მაინც ახერხებ ინგლისის თასის მოგებას ასეთი ზეწოლის მიუხედავად, ამაყი ხარ.

გარდა ამისა, იმიტომაცაა დიდი მიღწევა, რომ წითელი ბარათის გამო ფეხბურთელი დაგვაკლდა და დამატებით დროში 10 კაცით ვითამაშეთ. ეს ყველაფერი ინგლისის თასს ფანტასტიკურ ტიტულად აქცევს. ბევრ წინააღმდეგობას გადავაწყდით", - განაცხადა "იუნაიტედის" ყოფილმა მწვრთნელმა.

წყარო: goal.com