ბრიტანეთის ერთ-ერთი ყველაზე რეიტინგული და პრესტიჟული გამომცემლობა SkySports-ი, ათ სავარაუდო ტრანსფერს ასახელებს, რომელიც ზამთრის სატრანსფერო ფანჯრის დასრულებამდე განხოდრციელდება.

მოცემულ სიაში მხოლოდ ერთი მანჩესტერელი მოთამაშე, მემფის დეპაი მოხვდა. SkySports-ი მემფის დეპაის მომავალს, ფრანგულ "ლიონში" ხედავს. "ლიონი" არ აპირებს "მანჩესტერ იუნაიტედიდან" მემფის დეპაის შეძენაზე უარის თქმას, რადგანაც ფრანგული კლუბის მწვრთნელს ჰოლანდიელი ვინგერი პრიორიტეტულ სამიზნედ ჰყავს დასახული.

"იუნაიტედმა" მიიღო "ლიონისგან" წინადადება და მასზე უარის თქმაც მოასწრო, რადგან 13 მლნ. ფუნტის კლუბისთვის სრულიად არ იყო საკმარისი.

22 წლის ჰოლანდიელი "იუნაიტედში" 2015 წელს "პსვ ეინდჰოვენიდან" 25 მლნ. ფუნტად გადავიდა და მას შემდეგ 45 მატჩი ჩაატარა, რომელშიც 7 გოლი გაიტანა.

თუმცა მოურინიოს გუნდში მას თითქმის არ ეძლევა შანსი და მიმდინარე სეზონში მხოლოდ ცხრაჯერ გამოჩნდა მოედანზე, რომელთაგან მხოლოდ 4 შეხვედრა მოდის პრემიერ ლიგაზე, თუმცა არცერთი სასტარტო შემადგენლობაში.

იხილეთ სრული ჩამონათვალი: