ჟოზე, მორიგი სამი ქულაა ფსონზე, ამჯერად რა იქნება განსხვავებული?

სამი ქულა, პლუს ამ ყველაფრის ემოციური მხარე. ემოციური მხარე: გულშემატკივრები, მოთამაშეები და ხალხი, რომლებიც კლუბში დიდი ხანია იმყოფებიან, ვფიქრობ, ისინი უკეთ გრძნობენ, ვიდრე მე. მაგრამ აქ სულ რამდენიმე თვეა ვიმყოფები და ნაბიჯ-ბაბიჯ ვხვდები ამ დაპირისპირების მნიშვნელობას, რადგან ყოველთვის ვგრძნობდი, რომ ეს დაპირისპირება საფეხბურთო კლუბისთვის კარგია. მაგრამ საერთო ჯამში ეს მხოლოდ სამი ქულაა. სამი ქულა და მეტი არაფერი.

თქვენ თვით, რომ ეს მატჩი ნოემბრის მატჩისგან განსხვავებული იქნება. რატომ გგონიათ ასე?

იმიტომ, რომ უკეთესი შედეგები გვაქვს და ამან ბევრი რამ შეცვალა. იცით, როცა მაშინ უფრო ნაკლები დრო მქონდა გატარებული ჩემს ფეხბურთელებთან ერთად, ახლა კი გაცილებით მეტი დრო გავიდა - უკეთ გავიცანით ერთმანეთი, მითუმეტეს, ფეხბურთის აღქმის მხრივ. არა მარტო კარგი თამაში გვაქვს, არამედ კარგი შედეგების სიხარულიც. სახლში ვთამაშობთ და არა გასვლაზე, ასე რომ, ეს მცირე დეტალები ბევრ რამეს ცვლის, თუმცა ეს მორიგი დიდი მატჩია და მისგან სიამოვნება მივიღოთ.

ფიქრობთ, რომ უკეთეს ფეხბურთს აჩვენებთ, ვიდრე "ენფილდზე", რომელმაც ყველას გაუცრუა იმედი?

არ ვიცი, ყველაფერი შეფასების კრიტერიუმზეა დამოკიდებული. ზოგიერთი ადამიანი იტყვის, რომ მატჩი, რომელიც 0-0 სრულდება, ცუდი მატჩია, რადგან მასში გოლები არ გასულა. ანალიზის ამ ვერსიას მივიღებთ, მაგრამ ეს არ ნიშნავს, რომ მას ყოველთვის ვეთანხმები. თამაში, რომელიც 0-0 სრულდება, საინტერესოც ხომ შეიძლება იყოს. ვფიქრობ, "ენფილდზე" თამაში ძალიან კარგი იყო.

0-0 კარგი შედეგი იქნება?

არ ვიცი. თუ "ლივერპული" უკეთესად ითამაშებს, ვიდრე ჩვენ, თუ უფრო ნაკლებჯერ დავარტყამთ კარში, თუ "ლივერპული" უფრო ახლოს იქნება გამარჯვებასთან, ვიდრე ჩვენ, ამ შემთხვევაში - დიახ. თუ ჩვენ უფრო მეტი მომენტი გვექნება, დომინირებას შევძლებთ, გამარჯვებს დავიმსახურებთ, მაგრამ ვერ მივაღწევთ, ამ შემთხვევაში ეს ცუდი შედეგი იქნება.

ეს დიდი მატჩია და შეძლებთ გუნდთან ერთად ისე აღნიშნოთ, რომ 50 მეტრის სიმაღლეზე ახტეთ?

დიახ, დიახ, სირბილს შევძლებ, პრობლემა არ არის. პრობლემა ის იქნება, გავიტანთ თუ არა გამარჯვების გოლს ბოლო წუთზე. ასე გაქცევა კი ჯერ კიდევ შემიძლია, პრობლემა არ არის.

ამდენი დიდი მატჩია და ვერ ვიტყვი, რომ ვნერვიულობ. არა, უკვე აღარ. მაგრამ თამაშის წყურვილი, წყურვილი იმისა, რომ მატჩი შაბათს ყოფილიყო და არა კვირას, ამ ორი დღის განმავლობაში ლოდინი - იგივედ დარჩა. ვფიქრობ, იგივე ხდება ფეხბურთელების თავსაც - არავინ ნერვიულობს, ყველას თამაში სურს. ისინი, ვინც ითამაშებენ - ბედნიერები იქნებიან, ვინც სკამზე დარჩება - არც ისე. იგივე შეგრძნებაა - ყველა თამაშს ელის და მჯერა, რომ იურგენიც ამასვე განიცდის თავის ფეხბურთელებთან ერთად. ასე რომ, მოდით, დიდი მატჩი შევქმნათ და იმედი მაქვს, მოედნის ფარგლებს გარეთ ყველაფერი კარგად იქნება.