გულშემატკივრები, რომლებიც ლივერპულისა და მანჩესტერის დამაკვშირებელ გზაზე შეურაცხმყოფელ ბანერებს გამოფენენ, როგორც ეს ადრე მოხდა, რეალური ბრალდების წინაშე აღმოჩნდებიან და ციხეში ჩაჯდომა დაემუქრებათ.

პირველი შემთხვევაა არაა, როცა "მანჩესტერ იუნაიტედისა" და "ლივერპულის" მატჩის წინ ხიდებზე, რომლებიც კვეთენ ავტოსტრადას, სადაც გულშემატკივრები მატჩზე დასასწრებად გადიან, სხვადასხვა სახის ბანერი ჩნდება, რომელიც არა მარტო მოწინააღმდეგე გუნდის გულშემატკივრებს შეურაცხყოფს, არამედ მიუნხენის, ჰილსბოროსა და ბრიუსელის ტრაგედიის შესახებ მათ მოგონებასაც.



ახლა კი ადამიანები, ვინც ამგვარ ბანერებს გამოფენენ, 2013 წელს "მასობრივი ინფორმაციის რესურსების" შესახებ მიღებული კანონის ყურადღებას მიიპყრობენ. კანონდარღვევის სერიოზულობაზე დამოკიდებულით, გულშემატკივრებს ფულადი ჯარიმიდან თავისუფლების აღკვეთამდე სხვადასხვა სახის სასჯელი შეიძლება დაეკისროთ.

ასევე ცნობილი გახდა, რომ დიდი მანჩესტერის პოლიცია მანჩესტერის ცენტრსა და ტრაფორდის რაიონში 17 საათის შემდეგ ალკოჰოლის მიღებას აკრძალავს, სტადიონზე შესვლისას კი ფეისკონტროლი ჩატარდება.

პოლიცია ასევე აცხადებს, რომ ნებისმიერი ადამიანი, ვინც რომელიმე კლუბის ტრაგედიის შეურაცხმყოფელ სიმღერას იმღერებს, სტადიონს დატოვებს.

პოლიციის ინსპექტორმა დინ ჰოვარდმა, რომელიც საკვირაო მატჩზე უსაფრთხოების პასუხისმგებელი იქნება, გულშემატკივარს კანონდარღვევისგან თავშეკავებისკენ მოუწოდა:

"მინდა, მატჩის წინ ორივე კლუბის გულშემატკივარს მივესალმო. ამ დღეს წესრიგისა და უსაფრთხოების დასაცავად სრულფასოვან ოპერაციას ჩავატარებთ. მაგრამ არ ვაპირებთ ცოცხალი ატმოსფეროს შექმნაში ხელის შეშლას, რაც ასეთი მატჩისთვის სახასიათოა, უბრალოდ გვინდა, იმ ხალხს შევუქმნათ უსაფრთხოება, ვინც ამ ატმოსფეროთი ტკბება.

მიუხედავად ამისა, მზად ვიქნებით, ყველაზე უხეში ზომები მივიღოთ მათ წინააღმდეგ, ვინც ნებისმიერ უწესრიგობაში მიიღებს მონაწილეობას და საფრთხის ქვეშ დააყენებს გარშემო მყოფებს. ქალაქსა და სტადიონზე ჩვენი პატრული იქნება და თუ რაიმე სახის პრობლემა შეგექმნებათ, გთხოვთ, ჩვენს თანამშრომლებს ან კლუბის სტიუარდებს მიმართოთ, რომლებიც სიხარულით დაგეხმარებიან."