UEFA-ს უახლესი გამოკვლევებით დადგინდა, რომ "მანჩესტერ იუნაიტედს" ევროპაში მეორე ყველაზე ძვირადღირებული შემადგენლობა ჰყავს.

გასულ ზაფხულს "წითელი ეშმაკები" ისეთი ფეხბურთელებით გაძლიერდნენ, როგორებიც ერიკ ბაიი, ჰენრიხ მხითარიანი და პოლ პოგბა არიან, რომელთაგან უკანასკნელი მსოფლიოს ყველაზე ძვირადღირებული ფეხბურთელია. ამგვარად, "ოლდ ტრაფორდის" მკვიდრებმა პირველი გუნდის ჯამური ღირებულება 613 მილიონ ევრომდე აიყვანეს.

ამ მაჩვენებლით "იუნაიტედი" მხოლოდ მადრიდის "რეალს" ჩამორჩება, რომელსაც 100 მილიონ ევროზე მეტი უპირატესობა აქვს. საუკეთესო ათეულში ინგლისიდან "ჩელსი", "მანჩესტერ სიტი", "არსენალი" და "ლივერპულიც" შევიდნენ.

ევროპის ყველაზე ძვირადღირებული შემადგენლობის მქონე გუნდები

20. "ვოლფსბურგი" (გერმანია), 152 მლნ. ევრო
19. "სანდერლენდი" (ინგლისი), 164 მლნ. ევრო
18. დორტმუნდის "ბორუსია" (გერმანია), 168 მლნ. ევრო
17. "ზენიტი" (რუსეთი), 175 მლნ. ევრო
16. "საუთჰემპტონი" (ინგლისი), 176 მლნ. ევრო
15. "რომა" (იტალია), 190 მლნ. ევრო
14. "ნაპოლი" (იტალია), 202 მლნ. ევრო
13. "მილანი" (იტალია), 248 მლნ. ევრო
12. "ინტერი" (იტალია), 268 მლნ . ევრო
11. "ტოტენჰემი" (ინგლისი), 273 მლნ. ევრო
10. "იუვენტუსი" (იტალია), 312 მლნ. ევრო
9. "ბაიერნი" (გერმანია), 322 მლნ. ევრო
8. "ბარსელონა" (ესპანეთი), 401 მლნ. ევრო
7. "ლივერპული" (ინგლისი), 412 მლნ. ევრო
6. "არსენალი" (ინგლისი), 428 მლნ. ევრო
5. პსჟ (საფრანგეთი), 437 მლნ. ევრო
4. "მანჩესტერ სიტი" (ინგლისი), 535 მლნ. ევრო
3. "ჩელსი" (ინგლისი), 537 მლნ. ევრო
2. "მანჩესტერ იუნაიტედი" (ინგლისი), 613 მლნ. ევრო
1. "რეალი" (ესპანეთი), 712 მლნ. ევრო