"მანჩესტერ იუნაიტედის" ნახევარმცველის მორგან შნეიდერლინის ტრანსფერი "ევერტონში" ოფიციალურად დადასტურებულია.

27 წლის ნახევარმცველმა "კანფეტებთან" 4 წელიწად-ნახევრიანი კონტრაქტი გააფორმა და იგი მერსისაიდში 2021 წლამდე დარჩება. აღსანიშნავია ისიც, რომ მორგანის ყოფნა განაცხადში "მანჩესტერ სიტის" წინააღმდეგ მეტად სავარაუდოა.

ჟოზე მოურინიომ თავის პრესკონფერენციაზე განაცხადა, რომ წუხდა მორგანის წასვლით და ამავე დროს ბედნიერი იყო, რადგან ფრანგი ნახევარმცველი რეგულარული სათამაშო დროის მიღებისთვის ტოვებდა კლუბს.

"საუთჰემპტონის" ყოფილმა მოთამაშემ მხოლოდ 3 შეხვედრა ჩაატარა ძირითადში და 5-ჯერ ცვლილებაზე შემოვიდა წლევანდელ სეზონში. 47 ჩატარებულ შეხვედრაში მორგანის ანგარიშზე "იუნაიტედის" მაისურით ერთადერთი გატანილი გოლია და ისიც მისი ახალი კლუბის წინააღმდეგ.

წყარო: Manutd.com