"ლიონი" მიმდინარე თვეში რამდენიმე ტრანსფერის განხორციელებას ეცდება და ფრანგების პრიორიტეტულ სამიზნეს "მანჩესტერ იუნაიტედის" დუეტი, ადნან იანუზაი და მემფის დეპაი წარმოადგენენ.

"ლიონის" პრეზიდენტის, ჟან-მიშელ ულასის თქმით, მისი კლუბი მიმდინარე სატრანსფერო ბაზარზე წარმატებით გასვლას იმედოვნებს, თუმცა ამისთვის ინგლისურად ლაპარაკი უნდა შეძლოს.

ამ განცხადებას თავისთავად მოჰყვა ჭორები, რომ ულასი პრემიერ ლიგის კლუბებთან აპირებს თანამშრომლობას.

ფრანგული გამოცემა L'Equipe იტყობინება, რომ "ლიონი", რომელსაც მრჩეველად "ლივერპულის" ყოფილი მწვრთნელი, ჟერარ ულიე ჰყავს, ამჟამად იჯარის წესით "სანდერლენდში" განათხოვრებული იანუზაის ყიდვა ეცდება. ბელგიელის გარდა, ფრანგებს დეპაის შეძენაც სურთ.

"ამჟამად დიდი ტრანსფერის განხორციელებას ვცდილობთ, მაგრამ თავდაჭერილობა უნდა გამოვიჩინოთ. არ ვიცი, მოხერხდება თუ არა, მაგრამ ჟერარი ამაში დაგვეხმარება, რადგან მოლაპარაკებისთვის ინგლისურად ლაპარაკი აუცილებელია", - განაცხადა "ლიონის" პრეზიდენტმა.

წყარო: dailystar