"მანჩესტერ იუნაიტედის" მთავარი მწვრთნელი ჟოზე მოურინიო აცხადებს, რომ იანვარში ფეხბურთელის შეძენას არ აპირებს.
"წითელ ეშმაკებს" ბოლო პერიოდში რამდენიმე ფეხბურთელს უკავშირებენ, განსაკუთრებით კი "ბენფიკას" მცველ ვიქტორ ლინდელეფს. ჭორების თანახმად, "იუნაიტედს" 22 წლის ფეხბურთელი უახლოეს პერიოდში უნდა შეეძინა, მაგრამ "ჰალ სიტისთან" მატჩის შემდეგ მოურინიომ ცხადყო, რომ ამის გაკეთებას არ აპირებს.
პორტუგალიელის თქმით, კლუბი მხოლოდ ზაფხულში ეცდება ფეხბურთელების შეძენას.
"ზამთრის სატრანსფერო ბაზარზე მხოლოდ გავყიდით, მაგრამ არ ვიყიდით - ასე მგონია. ფუნტებს უნდა მოვუფრთხილდეთ, რათა ბაზარს მომდევნო ზაფხულს შევუტიოთ, როგორც ვიქცეოდით ხოლმე. ოთხი ფეხბურთელი შევიძინეთ და ვიცოდით, რომ დაგვეხმარებოდნენ", - განაცხადა პორტუგალიელმა სპეციალისტმა.