ჟოზე მოურინიომ "ლივერპულთან" მატჩში მარკოს როხოსა და ზლატან იბრაჰიმოვიჩის ხელმისაწვდომობის თაობაზე ისაუბრა.

იბრაჰიმოვიჩს ინგლისის ლიგის თასის მატჩში "ჰალ სიტის" წინააღმდეგ უნდა ეთამაშა, მაგრამ შეხვედრის დაწყებამდე მოურინიომ "იუნაიტედის" ოფიციალურ ტელევიზიას განუცხადა, რომ შვედი ავად გახდა და იძულებული იყო, მატჩი გამოეტოვებინა.

როცა ჟურნალისტებმა ჰკითხეს, ზლატანი იურგენ კლოპის გუნდთან თამაშს შეძლებდა თუ არა, მოურინიომ უპასუხა: "ზლატანი ავადაა, ამიტომ არა მგონია, პრობლემა იყოს, კარგად იქნება".

უფრო საეჭვოა მარკოს როხოს თამაში, რომელმაც "რედინგთან" მატჩში მიიღო დაზიანება. არგენტინელმა "ჰალთან" გამარჯვებაც გამოტოვა და კვირის მნიშვნელოვან შეხვედრაში მის შესაძლო მონაწილეობაზე მოურინიო აცხადებს: "არ ვიცი, როხო გამოჯანმრთელდება თუ არა. მარკოს მუსკულატურული პრობლემა აქვს, მაგრამ არასერიოზული. არ ვამბობ, რომ თამაშს ვერ შეძლებს, მხოლოდ ის ვთქვი, რომ ჩემი ეჭვები მაქვს".

წყარო: manutd.com