ლიგის თასის ნახევარფინალური მატჩის წინ "მანჩესტერ იუნაიტედის" ფეხბურთელები ტრადიციისამებრ სასტუმრო "ლოურიში" შეიკრიბნენ.

კაპიტანი უეინ რუნი, რომელიც რეკორდის დამყარების მოლოდინშია, გუნდთან ერთად იმყოფება, თუმცა ავტობუსის დატოვებისას ფოტოგრაფებმა ზლატან იბრაჰიმოვიჩი, ლუკ შოუ, მარკოს როხო, ბასტიან შვაინშტაიგერი, ეშლი იანგი, მემფის დეპაი და მორგან შნეიდერლინი ვერ შენიშნეს.

მარკოს როხომ ინგლისის თასზე "რედინგთან" მატჩში მიიღო კუნთის ტრავმა, ხოლო ლუკ შოუს ნოემბრის შემდეგ არ უთამაშია.

"რედინგთან" მატჩში სათადარიგოთა სკამზე მყოფ იბრაჰიმოვიჩს "ჰალის" წინააღმდეგ სასტარტო შემადგენლობაში ელოდნენ, მაგრამ სასტუმროში იგი გუნდთან ერთად არ მისულა.



ჰენრიხ მხითარიანი ჯერ კიდევ სასტუმრო "ლოურიში" ცხოვრობს, დეილი ბლინდი კი მახლობლად დაბინავდა, ამიტომ ისინი თანაგუნდელებს მოგვიანებით უერთდებიან.

ერიკ ბაიი ეროვნულ ნაკრებში იმყოფება და ორშაბათს გასამართი მატჩისთვის ემზადება.

მორგან შნეიდერლინისა და მემფის დეპაის თამაში კი მათი ბუნდოვანი მომავლის გარკვევამდე საეჭვოდ რჩება.



დადასტურებული შემადგენლობა: დავიდ დე ხეა, სერხიო რომერო, ანტონიო ვალენსია, მატეო დარმიანი, კრის სმოლინგი, ფილ ჯონსი, ტიმოთი ფოსუ-მენსა, ანდერ ერერა, პოლ პოგბა, ხუან მატა, მარუან ფელაინი, მაიკლ კერიკი, უეინ რუნი, ჯესი ლინგარდი, ენტონი მარსიალი, მარკუს რეშფორდი