"მანჩესტერ იუნაიტედის" რეკორდსმენი მიმდინარე და არა მარტო მიმდინარე სეზონში ხშირად გამხდარა კრიტიკოსების სამიზნე. 31 წლის უეინ რუნის შესახებ იმასაც ამბობდნენ, რომ მან თავისი შესაძლებლობები უკვე ამოწურა.

ჟოზე მოურინიო კი მიიჩნევს, რომ "იუნაიტედის" კაპიტანს ჯერ კიდევ შეუძლია წარმატებით ასპარეზი, თუკი საქმისადმი შესაბამის მიდგომას არ უღალატებს.

როცა მოურინიოს ჰკითხეს, რამდენ ხანი დარჩა რუნის უმაღლეს დონეზე თამაში, მან უპასუხა: "არ ვიცი, ეს მასზე, მის გონებაზე და მონდომებაზეა დამოკიდებული.

ვფიქრობ, ყველაფერი მონდომების საქმეა, ეს უფრო მნიშვნელოვანია, ვიდრე სხვა რამეები, მას კი მოტივაცია აქვს და თუ მას შეინარჩუნებს, დიდხანს ითამაშებს.

როცა თავს კარგად უვლი, როცა ცოლი გეხმარება, როცა კარგად ვარჯიშობ, როცა მწვრთნელი და შტაბი საკმაოდ ჭკვიანია იმისათვის, რომ მიხვდეს ახალგაზრდისა და 30 წელს გადაცილებული ფეხბურთელის სხეულს შორის სხვაობას - როცა ფაქტორების კომბინაცია ხდება, მათი კარიერის დასრულებაც ფერხდება.

ამიტომაც თამაშობენ კარგად მაიკლი, ზლატანი და უეინი".

რუნის 2019 წლამდე შეუძლია "იუნაიტედში" დარჩენა, თუკი კონტრაქტში გათვალისწინებული დამატებითი წლის პუნქტი ამოქმედდება - თუმცა, მოურინიომ არც კი იცის, როდემდეა გათვლილი მისი გუნდის კაპიტნის კონტრაქტი.

"მისი ამჟამინდელი კონტრაქტის პირობებიც კი არ ვიცი. ჩემი ფეხბურთელების კონტრაქტზე არ ვდარდობ. ამ საქმეს მისტერ ვუდვორდს ვუტოვებ.

რუნისთან დაკავშირებით ყოველთვის კარგი შეგრძნება მქონდა - პროფესიონალი, გუნდური ფეხბურთელი. გუნდისთვის არასდროს არაფერს ზოგავდა.

როცა მადრიდში ვმუშაობდი და "რეალ მადრიდს" ვწვრთნიდი, ჩემს წინააღმდეგ ითამაშა. თითქმის მარცხენა მცველი იყო. გუნდისთვის ყოველთვის თავს სწირავდა და არც ჩემთანაა გამონაკლისი.

სათადარიგოთა სკამზე ხვდება და მატჩში ერთვება. თამაშობს, არ თამაშობს, მაგრამ ჯგუფში ყოველთვის პოზიტიურადაა განწყობილი, კარგი კაპიტანია, ამიტომ ბედნიერი ვარ."

წყარო: skysports