გუშინ "მანჩესტერ იუნაიტედმა" ინგლისის ასოციაციის თასის შეხვედრაში "რედინგს" უმასპინძლა. მოურინიოს გუნდმა სტამის გუნდს 4 უპასუხო ბურთი გაუტანა და შემდეგ ეტაპზე თამაშის უფლება მოიპოვა.

31 წლის უეინ რუნიმ "იუნაიტედის" კარიერაში გატანილი 249-ე გოლით "რედინგთან" მატჩში ანგარიში გახსნა და სერ ბობი ჩარლტონთან ერთად "წითლების" ყველა დროის საუკეთესო ბომბარდირი გახდა. მეორე გოლი მარსიალის ანგარიშზეა, ხოლო დუბლის შესრულება მარკუს რეშფორდმა მოახერხა, რომელმაც ჯერ კერიკის გადაცემით, ხოლო შემდეგ მეკარის შეცდომით ისარგებლა.